მოსამართლემ ეკა ბარბაქაძემ ყოფილ თავდაცვის მინისტრსა და პრემიერმინისტრს, ირაკლი ღარიბაშვილს აღკვეთის ღონისძიების სახით 1-მილიონიანი გირაო შეუფარდა.

სასამართლომ ასევე დააკმაყოფილა პროკურატურის მოთხოვნა ირაკლი ღარიბაშვილისთვის პასპორტის ჩამორთმევასა და ქვეყნის ფარგლებს გარეთ გასვლის აკრძალვაზე.

დღეს საქართველოს გენერალურმა პროკურატურამ ყოფილ თავდაცვის მინისტრსა და პრემიერმინისტრს, ირაკლი ღარიბაშვილს ბრალდება წარუდგინა.

გენპროკურორმა, გიორგი გვარაკიძემ ბრიფინგზე თქვა, რომ ღარიბაშვილს ბრალი სსკ-ის 194 მუხლის მე-3 ნაწილი "გ" ქვეპუნქტით წარედგინა, რაც გულისხმობს უკანონო შემოსავლის ლეგალიზაციას, რასაც თან ახლავს განსაკუთრებით დიდი ოდენობით შემოსავლის მიღება.