ოცნების პარლამენტის თავმჯდომარემ, შალვა პაპუაშვილმა ყოფილი პრემიერმინისტრის, ირაკლი ღარიბაშვილის მიმართ წაყენებულ კორუფციასთან დაკავშირებულ ბრალდებებზე საუბრისას თქვა, რომ სამართალდამცავი სტრუქტურები არაფერს ერიდებიან და "საჭიროა ნდობა სამართალდამცავი სტრუქტურების მიმართ".

"ვფიქრობ, რომ ჩვენს სამართალდამცავ სტრუქტურებს ვაცადოთ ამ საქმეებთან დაკავშირებით ეტაპობრივად ინფორმაციის მოწოდება. ამავე დროს, სამართლებრივი შეფასებები ამა თუ იმ საკითხთან დაკავშირებით. უმჯობესია ყველა ამ საკითხთან დაკავშირებით სამართალდამცავმა ორგანოებმა, შსს-მ, პროკურატურამ, სუს-მა ისაუბროს, მით უმეტეს, რომ ხედავთ, თვისობრივად შეცვლილია მათი კომუნიკაციის პრაქტიკა. ვფიქრობ, რომ ნაკლებობა ინფორმაციის არ გაქვთ. ვფიქრობ, რომ უმჯობესია მათ გააკეთონ ამ საკითხებზე შინაარსობრივი კომენტარი.

... გუშინ სახელმწიფო უსაფრთხოების სამსახურის წარმომადგენელმა ისაუბრა ყველა დეტალზე, მათ შორის ისაუბრა აღკვეთის ღონისძიების საკითხთან დაკავშირებით, რომ ისინი იმსჯელებენ. ასე რომ, მათგან მიიღებთ ყველა პასუხს. რა და როგორ იყო ყველაფერს მოგვახსენებენ სამართალდამცავი სტრუქტურები.

…ხედავთ, რომ სამართალდამცავი სტრუქტურები არაფერს არ ერიდებიან. არ ერიდებიან არც მხილებას, მიუხედავად იმისა, ვინ შეიძლება იყოს ამაში ჩართული. ნახეთ თქვენ მაღალი თანამდებობის პირები, რომლის მიმართაც არსებობს სხვადასხვა საქმეები. საჭიროა ნდობა ჩვენი სამართალდამცავი სტრუქტურების მიმართ. ისინი თავის დროზე იტყვიან ყველა ინფორმაციას, შინაარსობრივს, სამართლებრივ შეფასებას, რასთან გვაქვს საქმე, რასთან არ გვაქვს საქმე. ასე რომ, მე პირიქით მიხარია, რომ პროკურატურა, შსს, უსაფრთხოების სამსახური ასე აქტიურად არიან კომუნიკაციაში და ჩვენ არ გვიწევს დამატებითი კომენტარი", — განაცხადა შალვა პაპუაშვილმა.