"გიორგი ჩახუნაშვილის დაკავებას რაც შეეხება, აქ პროფესია არაფერ შუაშია", — განაცხადა თბილისის მერმა, კახა კალაძემ პედიატრ გიორგი ჩახუნაშვილის დაკავებაზე. მისი თქმით, როცა ადამიანი დანაშაულს სჩადის, მოჰყვება შესაბამისი რეაგირება.

"გიორგი ჩახუნაშვილის დაკავებას რაც შეეხება, აქ პროფესია არაფერ შუაშია. როცა ადამიანი დანაშაულს სჩადის, მოჰყვება შესაბამისი რეაგირება. ზოგადად, ჩვენ ყველას ვაფრთხილებდით და მოვუწოდებდით, რომ კანონსაწინააღმდეგო ნაბიჯები არ გადაედგათ. ამ საკითხზე საუბრობდა პრემიერ-მინისტრი, მეც არაერთხელ ვისაუბრე. არ გაითვალისწინეს. ყველა ადამიანი თავისუფალია თავის გადაწყვეტილებაში. მათ ჩაიდინეს დანაშაული და ამას ცხადია, სახელმწიფოს მხრიდან შესაბამისი რეაგირება მოჰყვება", ­ — განაცხადა თბილისის მერმა, კახა კალაძემ პედიატრ გიორგი ჩახუნაშვილის დაკავებაზე.

შეგახსენებთ, გუშინ 4 ოქტომბრის საქმეზე 72 წლის პედიატრი, გიორგი ჩახუნაშვილი საკუთარი საცხოვრებელი სახლიდან აიყვანეს. ჩახუნაშვილის მხარდასაჭერად მის სახლთან აქტივისტები იყვნენ მისული.