თითოეული ჩვენგანის ცხოვრებაში დგება ის ერთი გარდამტეხი მომენტი, როდესაც ვაცნობიერებთ, რომ მიზნის მისაღწევად მხოლოდ სურვილი, გამოცდილება და ცოდნა აღარ კმარა.

ეს არის წამი, როცა არჩევანის წინაშე დგები: გაჩერდე თუ გააგრძელო. გაჩერება მარტივია, მაგრამ ვინც გაგრძელებას ირჩევს, მათთვის აქ იწყება ბრძოლა თვითდისციპლინის, შეუპოვრობისა და შინაგანი თავისუფლების მოსაპოვებლად.

და სწორედ ასეთ დროს, მოზღვავებული ენერგიისა და ბრაზის ფონზე, ჩვენში იღვიძებს ჟინი, რომელიც ნამდვილ ცეცხლად გარდაიქმნება. ამ დროს გაჩერება შეუძლებელია, ან რატომ უნდა გავჩერდეთ? როდესაც, ჟინი დანებებას არ ცნობს!

ჟინის ქომაგი

ახალი კამპანიის ფარგლებში, მოგიყვებით ადამიანებზე, რომლებიც გამორჩეულად ჯიუტები და დაუღალავები არიან. მათი გზა არ არის უბრალოდ წარმატებასა და აღიარებაზე, ეს არის ისტორიები იმაზე, თუ როგორ აქციეს ოცნება მოქმედებად, იდეა რეალობად, ხოლო მონდომება დიდ გამარჯვებად.

ისინი გვასწავლიან, რომ ჟინი ყოველთვის იმარჯვებს და იმედივით ჩნდება ყველგან, ადამიანთა მზერაში, ყოველდღიურ მოქმედებაში, პატარ-პატარა მიღწევებსა თუ შეუმჩნეველ ნაბიჯებში, რომლებსაც საბოლოო მიზნამდე მივყავართ.

ამ ყველაფერში საქართველოს ბანკის როლი შეუცვლელია, რომელიც არა მხოლოდ მხარს უჭერს ქართულ სპორტს, მხატვრობასა და კულტურას, არამედ, აქტიურად ეძებს ახალ შესაძლებლობებს.

თამამად შეიძლება ითქვას, რომ მუდმივი განვითარება, ახლის ძიება და დინების საწინააღმდეგოდ ცურვა, არ არის მხოლოდ სიტყვები, რადგან საქართველოს ბანკი არასდროს ჩერდება, ის იქაა, სადაც იბადება ახალი იდეა, სადაც ენერგია გარდაიქმნება მოქმედებად, ხოლო შეუჩერებელი ჟინი მომავალს ქმნის. შესაბამისად, ყოველი ახალი პროექტი გამორჩეული და უკონკურენტოა.

პირველად იყო ჟინი

ჟინი არ არის უბრალო სურვილი, დისციპლინა, სიმამაცე და დაუღალავი შემართება. შეიძლება ითქვას, რომ ის თოლია ჯონათანია, რომელიც არ კმაყოფილდება წყლის ზედაპირზე ცურვითა და თევზებზე ნადირობით. თავისუფლების მოყვარული თოლია საკუთარი გუნდისგან განცალკევებით დღე და ღამ ვარჯიშობს, რათა აითვისოს სწრაფად ფრენა, დიდი სიმაღლიდან დაშვება და მანევრირება. რეალურ ცხოვრებაშიც ასეა, გარდამტეხ მომენტში ან ვჩერდებით, ან ვაგრძელებთ ბრძოლას და ვცდილობთ ჩვენი ხელწერის დატოვებას.

ყველა ეპოქაში ასე იყო, ქართველი ყოველთვის გამოირჩეოდა სიჯიუტითა და დაუღალავი ჟინით.

ჟინით მებრძოლები

ჟინი ყველაშია. სპორტსმენებში, რომლებიც უშრეტი ენერგიით, ნებისყოფითა და თავდაუზოგავი შრომით ცდილობენ საკუთარი და ქვეყნის სახელის საერთაშორისო ასპარეზზე ღირსეულად წარმოჩენას. ისინი მარცხსაც კი გამარჯვებად აქცევენ და მუდამ მიიწევენ წინ. ქომაგებში, რომლებიც მთელი თამაშის განმავლობაში ემოციით, გულითა და ენთუზიაზმით მხარს უჭერენ საყვარელ გუნდს და ქმნიან მუხტს. მთასვლელებში, რომლებიც ხიფათსა და ექსტრემალურ პირობებსაც კი უმკლავდებიან, რათა მწვერვალამდე მიაღწიონ და დროშა აფრიალონ.

სიტყვა, რომ არ გაგვიგრძელდეს, ახალი პროექტის ფარგლებში საქართველოს ბანკი დაამტკიცებს, რომ ჟინთან ჭიდაობას აზრი არ აქვს, ჟინისგან დანდობას ნურავინ ელის, ჟინი ხსნის NBA რეკორდს, ჟინი ხდება პირველი ქალი გამარჯვებული ჯუდოში, ჟინს გააქვს სეზონის საუკეთესო გოლი და კიდევ რა დათვლის რას აღა აკეთებს. ეს ყველაფერი კი, სხვებისთვის იქცევა შთაგონებად, რომ ჩვენი შესაძლებლობები უსაზღვროა.

უფრო მეტისთვის ნახეთ ვიდეო: