ოსკაროსანი ამერიკელი მსახიობი, რეჟისორი, პროდიუსერი და ბიზნესმენი რობერტ რედფორდი 89 წლის ასაკში გარდაიცვალა.

Rogers & Cowan PMK-ის აღმასრულებელი დირექტორის, სინდი ბერგერის ცნობით, რომელიც მსახიობთან მუშაობდა, რედფორდი 16 სექტემბრის დილას, იუტაში, საკუთარ სახლში ძილში გარდაიცვალა.

რედფორდი ოსკარზე იყო ნომინირებული ფილმში "ნაკბენი" (1973) შესრულებული როლისთვის, მაგრამ მხოლოდ რეჟისორის რანგში გაიმარჯვა თავისი სადებიუტო ფილმისთვის “ჩვეულებრივი ადამიანები” (1981).

რობერს რედფორდა მრავალი ჯილდო აქვს მიღებული, მათ შორის ოსკარი, BAFTA და ორი "ოქროს გლობუსი", კინომსახიობთა გილდიის ჯილდო 1996 წელს, ოსკარის საპატიო ჯილდო 2002 წელს, კენედის ცენტრის საპატიო ჯილდო 2005 წელს, თავისუფლების საპრეზიდენტო მედალი 2016 წელს და საპატიო "სეზარი" 2019 წელს. ჟურნალმა Time-მა იგი 2011 წელს მსოფლიოს 100 ყველაზე გავლენიან ადამიანს შორის დაასახელა.

მისმა კომპანიამ – Wildwood Enterprises 1978 წელს "სანდენსის კინოფესტივალი" დააარსა. რობერ რედფორდი ცნობილია ფილმებით: "ბუჩ კესიდი და სანდენს კიდი", "დიდი გეტსბი", "ჩვეულებრივი ადამიანები", "კონდორის სამი დღე" და სხვა.