ლონდონში საიმიგრაციო კანონების გამკაცრებას მოთხოვნით მასშტაბური აქცია გაიმართა.

100 000-ზე მეტი მომიტინგე გაერთიანებულ სამეფოში საემიგრაციო კანონების გამკაცრებას ითხოვდა.

აქციის ორგანიზატორი ცნობილი ბრიტანელი ანტი-იმიგრანტი აქტივისტი ტომი რობინსონი იყო. აქციის მონაწილეებმა და ორგანიზატორებმა მარშს Unite the Kingdom ("გაერთიანდი სამეფო") უწოდეს. ანტიემიგრაციული მარშის პარალელურად ლონდონში რასიზმის საწინააღმდეგო მარშიც იმართებოდა, რომელშიც Reuters-ის ცნობით 5 000 ადამიანი მონაწილეობდა.

ლონდონის ქუჩებში დაძაბულობა მას შემდეგ შეიქმნა, რაც ეს ორი მარში ერთმანეთის პირისპირ მოხვდა. პოლიციის ცნობით, "გაერთიანდი სამეფოს" მონაწილეთა დიდმა ნაწილი დაშვებულ მარშრუტს გადაუხვია და სამართალდამცავებს "მიუღებელი ძალადობით" დაუპირისპირდა. აქციის მონაწილეებს ოფიცრები ფიზიკურად გაუსწორდნენ, შეკრებილი მოქალაქეები კი მათ ბოთლებს და სხვა ბასრ ნივთებს ესროდნენ. შეტაკების შედეგად 26 პოლიციელი დაშავდა და 25 ადამიანი დააკავეს, თუმცა ლონდონის პოლიციის განმარტებით "ეს მხოლოდ დასაწყისია" და სიტუაციის გამწვავებას ელოდებიან.

ფოტო: Reuters

მომიტინგეები ინგლისის თეთრ-წითელ წმინდა გიორგის ჯვრის დროშებით იყვნენ შემოსილები. ზოგი აშშ-ის პრეზიდენტ დონალდ ტრამპის სიმბოლური Make America Great Again ქუდებითა და ლოზუნგებითაც იყო. აქციის მონაწილეები გაერთიანებული სამეფოს პრემიერმინისტრის, კირ სტარმერის სახელს სკანდირებდნენ და მოუწოდებდნენ მას "სახლში დაებრუნებინა" მიგრანტები.

ფოტო: Reuters

CNN-ის ცნობით, მიგრაცია ბრიტანეთში პოლიტიკურ დღის წესრიგში მთავარ თემად იქცა და ეკონომიკური პრობლემებიც კი გადაფარა. წელს ლა-მანშის სრუტის გადმოკვეთის მცდელობით უკვე 28 000-ზე მეტი მიგრანტი ჩავიდა ქვეყანაში.