ნეპალის ჯანდაცვის სამინისტროს განცხადებით, ქვეყანაში მიმდინარე ანტისამთავრობო პროტესტის შედეგად დაღუპულთა რიცხვი 72-მდე გაიზარდა — ამის შესახებ Reuters გვატყობინებს.

სამინისტროს განცხადებით, ამ დროისთვის 2 100-მდე ადამიანია დაშავებული, რაც ყველაზე მაღალი მაჩვენებელია ბოლო ათწლეულებთან შედარებით.

ნეპალში Z თაობის მომხრეებმა ცეცხლი წაუკიდეს პრემიერმინისტრ შარმა ოლის პირად რეზიდენციას ბჰაკტაპურში, ასევე სხვა ცნობილი პოლიტიკოსების, მათ შორის ყოფილი პრემიერმინისტრების ­— შერ ბაჰადურ დეუბას და პუშპა კამალ დაჰალის სახლებს. შემთხვევას ყოფილი პრემიერმინისტრის მეუღლის სიცოცხლეც შეეწირა.

ქვეყენაში პროტესტი მას შემდეგ გამწვავდა, რაც ნეპალის მთავრობამ სოციალური ქსელების გამოყენება აკრძალა. პროტესტის მონაწილეები ქვეყანაში არსებულ კორუფციას და მთავრობის გადაწყვეტილებებს აპროტესტებდნენ.

13 სექტემბერს, ნეპალში პრემიერმინისტრად, ყოფილი უზენაესი სასამართლოს თავმჯდომარე, სუშილა კარკი დაინიშნა. 9 სექტემბერს, მასობრივი პროტესტის ფონზე ქვეყნის ყოფილი პრემიერი, ქეი ფი შარმა ოლი გადადგა. ნეპალის პრეზიდენტმა, კი ვადამდელი არჩევნები 5 მარტს ჩანიშნა.