"ჩავეხსნათ "მთავარს" ყველა დამფუძნებელი და არხის კოლექტივმა თავად გადაწყვიტოს რას და როგორ გააკეთებს," — ასე მიმართავს "მთავარი არხის" დამფუძნებელი, პატიმრობაში მყოფი ოპოზიციონერი პოლიტიკოსი, ნიკა გვარამია ამავე ტელეკომპანიის თანადამფუძნებელ ზაზა ოქუაშვილს.

ნიკა გვარამია ოქუაშვილს მოუწოდებს "მთავარ არხს" შეუფერხებლად ფუნქციონირების და მაუწყებლობის აღდგენის შესაძლებლობა მისცეს.

"კიდევ ერთხელ მინდა მივმართო ზაზა ოქუაშვილს.

მინდა მივმართო მთავარი არხის დამფუძნებელს, ზაზა ოქუაშვილს: ზაზა, თუ მართლა ვცდები და შენი ( ჩემთვის აუხსნელი) ქმედებებით არხის პარალიზება ბიძინას თამაში არაა და უბრალოდ ბრაზით გამოწვეული გაუგებრობაა, შეგიძლია ახლა უმარტივესად დაამტკიცო ეს — მიეცი არხს შეუფერხებლად ფუნქციონირების და მაუწყებლობის აღდგენის შესაძლებლობა. ყოველგვარი წინაპირობების გარეშე, ჩავეხსნათ "მთავარს" ყველა დამფუძნებელი და არხის კოლექტივმა თავად გადაწყვიტოს რას და როგორ გააკეთებს. თუ ეს მხოლოდ წყენებია და არა ბიძინას გეგმა, სამშობლოს რომ გადავარჩენთ, მერე გავარჩიოთ ჩვენს შორის ( ყველას ვგულისხმობ, მარტო ჩვენ ორს არა) გაუგებრობები. ახლა დავდგეთ პირადზე მაღლა, რადგან ცოტა რამ თუა ახლა ისეთი მნიშვნელოვანი, როგორც გავლენებისგან თავისუფალი "მთავარი არხი", რომელიც 24/7 ზე მხოლოდ პროტესტის სამსახურში იდგება," — წერს ნიკა გვარამია ციხიდან.

ოქუაშვილს ნიკა გვარამიას მიმართვისთვის ამ დრომდე არ უპასუხია.

შეგახსენებთ, "მთავარმა არხმა" მაუწყებლობა მიმდინარე წლის 15 თებერვალს დროებით, ხოლო 1-ელ მაისს საბოლოოდ შეწყვიტა. ტელეკომპანიის განცხადებით, არხის ერთ-ერთი დამფუძნებელი ზაზა ოქუაშვილი მიზანმიმართულად ბლოკავდა მათთვის სასიცოცხლოდ აუცილებელ ტრანზაქციებს და მან ტელევიზია დახურვამდე მიიყვანა.

"მთავარი არხი" ეთერში 2019 წლის 9 სექტემბერს გავიდა. ტელეკომპანია "რუსთავი 2-დან" წამოსულმა გუნდმა 19 დღეში დააფუძნა.

მეტი "მთავარი არხი" შესახებ: