"ეს იყო მუხანათური, მამაძაღლური და ჩათლახური გადაწყვეტილება ქართული ოცნებისგან, რომ ვითომ ტალახი გვესროლონ, რომ აი, ჩვენთან შეკრულები არიან," — ასე ეხმაურება ლელო — ძლიერი საქართველოს ერთ-ერთი ლიდერი ალეკო ელისაშვილ ოცნების დანიშნული პრეზიდენტის, მიხეილ ყაველაშვილის მიერ ლელოს ლიდერების, მამუკა ხაზარაძისა და ბადრი ჯაფარიძის შეწყალებად.

ელისაშვილის თქმით, კოალიცია არჩევნებში მონაწილეობას იღებს და ბრძოლას აგრძელებს.

"არჩევნებში ვიღებთ რა თქმა უნდა მონაწილეობას და გავაგრძელებთ იმ ბრძოლას, რომელშიც ვართ და ხალხის პრობლემებზე, რაზეც ვლაპარაკობთ, იმის მოსაგვარებლად. რა თქმა უნდა, ეს იყო მუხანათური და მამაძაღლური, ჩათლახური გადაწყვეტილება ქართული ოცნებისგან, რომ ვითომ ტალახი გვესროლონ, რომ აი, ჩვენთან შეკრულები არიან. ეს ხომ ჩათლახობა არის თავიდან ბოლომდე

ძალიან მოულოდნელი იყო. დილით საერთოდ სხვა საქმეზე მივდიოდი, სერიოზული შეხვედრა გვქონდა დაგეგმილი ოფისში. რამდენიმე თვე იყვნენ ციხეში, ხმა არ ამოუღიათ, არ დაუწუწუნიათ. სხვათა შორის, მამუკა ხაზარაძე ზუსტად ჩემს საკანში იყო.

ეს არის მამაძაღლური მანევრები ქართული ოცნებიდან. Facebook-ში ვკითხულობდი, ზოგი რანაირია, უარი თქვან შეწყალებაზე და არ გამოვიდნენო. ასეთი რაღაც ტექნიკურად შეუძლებელია. ზოგიერთი დებილისთვის ეს არ არის გასაგები," — თქვა ელისაშვილმა.

ისივე თქმით, "2X2 4-ია, რომ მათ "გასაბანძებლად" შეიწყალეს მამუკაც და ბადრიც".

ოცნების დანიშნული პრეზიდენტის, მიხეილ ყაველაშვილის თქმით, ხაზარაძე-ჯაფარიძის შეწყალების გადაწყვეტილება იმიტომ მიიღო, რომ "არავის დარჩეს იმის თქმის საბაბიც კი, რომ ადგილობრივი თვითმმართველობის არჩევნები შეზღუდული კონკურენტუნარიანობის პირობებში ტარდება".

ყაველაშვილი აღნიშნავს, რომ "შეთავაზებას შეწყალების შესახებ შესაბამისმა პატიმრებმა რამდენიმე კვირის წინ უარით უპასუხეს".