გაერთიანებულმა სამეფომ უკრაინას გაყინული რუსული აქტივებიდან 1 მილიარდ ფუნტზე მეტი გადასცა. Deutsche Welle-ს ცნობით, ამის შესახებ გაერთიანებული სამეფოს თავდაცვის მინისტრმა, ჯონ ჰილიმ კიევში ვიზიტისას განაცხადა.

გაერთიანებული სამეფოს მთავრობის ინფორმაციით, უკრაინის შეიარაღებულ ძალებს იარაღისა და სხვა სამხედრო აღჭურვილობის შესაძენად თანხა გაყინული რუსული აქტივებიდან გადაეცა.

ბრიტანეთის მთავრობის ცნობით, ბოლო 50 დღის განმავლობაში უკრაინამ გაერთიანებული სამეფოსგან მიიღო:

  • 4.7 მილიონი ვაზნა;
  • 60 000 საარტილერიო ჭურვი, რაკეტა და სარაკეტო სისტემა;
  • 2 500-ზე მეტი დრონი;
  • 200-ზე მეტი რადიოელექტრონული საბრძოლო სისტემა;
  • 100 ერთეული მსუბუქი შეიარაღება;
  • 30 სატრანსპორტო საშუალება და დამატებითი აღჭურვილობა.

გაერთიანებული სამეფოს მთავრობა გავრცელებულ განცხადებაში აღნიშნავს, რომ უკრაინაში სამართლიანი და მდგრადი მშვიდობის უზრუნველყოფის მიმართ ერთგული რჩება და 2025 წელს უკრაინის სამხედრო მხარდაჭერამ 4.5 მილიარდი ფუნტი შეადგინა.