კამპანია "სინათლე არ უნდა ჩაქრეს" ფარგლებში მიღებული შემოწირულობები სრულად რეგიონულ მედიებზე განაწილდა. ამის შესახებ კამპანიის მენეჯერმა, ქეთევან ქავთარაძემ სოციალურ ქსელში დაწერა. მისი თქმით, შემოწირულობების ამგვარად გადანაწილების გადაწყვეტილება კამპანიაში მონაწილე მედიებმა მიიღეს.

"კამპანია სულ რამდენიმე კვირაა, დაიწყო და ამ პერიოდის განმავლობაში დამოუკიდებელი ონლაინმედიების მხარდაჭერის მოსურნე ასობით ჩვენი მოქალაქე აღმოჩნდა. საზოგადოებისთვის დამოუკიდებელი მედიის არსებობა უმნიშვნელოვანესია და ამ რამდენიმეკვირიანმა გამოცდილებამ ეს კიდევ უფრო ცხადად დაგვანახა.

კამპანიაში 22 ონლაინმედიაა ჩართული. პირველი კვირების განმავლობაში მიღებული ფინანსები რეგიონულ მედიებზე განაწილდა, რომელთაგან ზოგიერთი მათგანის მდგომარეობა კრიტიკული იყო. გადაწყვეტილება კამპანიაში მონაწილე მედიებმა მიიღეს. სოლიდარობისა და მხარდაჭერის ეს გამოცდილება ძალიან მნიშვნელოვანია", — დაწერა ქეთევან ქავთარაძემ.