"უნგრეთის მხრიდან ჯერ კიდევ არ ყოფილა სამართლიანი რეაქცია რუსეთის ასეთ საქციელზე. არც კი გამოხატულა თანაგრძნობა ჩვენი ხალხის გარდაცვალების გამო," — ამის შესახებ უკრაინის პრეზიდენტი ვოლოდიმირ ზელენსკი აცხადებს და აღნიშნავს, რომ დღეს კიევზე განხორციელებული რუსული თავდასხმის შემდეგაც, უნგრეთი ცდილობს ომის პასუხისმგებლობა უკრაინაზე გადაიტანოს.

"ახლა, როდესაც ჩვენი ხალხი უმკლავდება ერთ-ერთი ყველაზე მასშტაბური რუსული ტერორისტული თავდასხმის შედეგებს, ჩვენ ვხედავთ უნგრელი ოფიციალური პირების კიდევ ერთ მცდელობას, რომ შავი თეთრად წარმოაჩინონ და მიმდინარე ომის დადანაშაულება უკრაინაზე გადაიტანონ.

უკრაინაში ცეცხლის შეწყვეტისა და რეალური დიპლომატიის შესახებ მსოფლიოს ყველა წინადადებას დადებითად ვუპასუხეთ და ერთადერთი ვინც მათ აღელვებდათ რუსეთი იყო. სამწუხაროდ, უნგრეთის მხრიდან ჯერ კიდევ არ ყოფილა სამართლიანი რეაქცია რუსეთის ასეთ საქციელზე. არც კი გამოხატულა თანაგრძნობა ჩვენი ხალხის გარდაცვალების გამო — მხოლოდ წუხელ, კიევში, რუსულმა დრონებმა და რაკეტებმა 17 ადამიანის სიცოცხლე იმსხვერპლეს, მათ შორის 4 ბავშვის.

არადა ყოველ დღე გვესმის ახალი ბრალდებები უკრაინის მიმართ, რომელიც უნგრეთიდან მოდის. უნგრეთის ოფიციალური პირები ისე შორს წავიდნენ, როგორც უნგრეთის საზოგადოების წევრების დისკრიმინაციის მცდელობა უკრაინაში ჩვენი სახელმწიფოსა და ჩვენი ხალხის თავდაცვაში მონაწილეობის გამო.

თუ უნგრეთმა ნამდვილად ჩაკეტა უნგრეთში შესვლა და შენგენის ზონა უკრაინის ერთ-ერთ სამხედრო მეთაურს, რომელიც ეთნიკური უნგრელია და უკრაინის მოქალაქეა, ამან მხოლოდ აღშფოთება შეიძლება გამოიწვიოს. უკრაინის საგარეო საქმეთა სამინისტროს დავავალე ყველა ფაქტი დააზუსტოს და მოახდინოს შესაბამისი რეაგირება," — განაცხადა ვოლოდიმირ ზელენსკიმ.

უნგრეთის საგარეო საქმეთა მინისტრი პიტერ სიიარტო "დრუჟბას" ნავთობსადენზე განხორციელებულ თავდასხმასთან დაკავშირებით სოციალურ ქსელში წერს, რომ უკრაინის ამ ნაბიჯის საპასუხოდ, უნგრეთის მთავრობამ გადაწყვიტა თავდასხმაზე პასუხისმგებელი სამხედრო ნაწილის მეთაურისთვის უნგრეთში და მთლიანად შენგენის ზონაში შესვლა აკრძალოს.

უნგრეთის საგარეო საქმეთა მინისტრის ამ გადაწყვეტილებას მალევე გამოეხმაურა უკრაინის საგარეო საქმეთა მინისტრი, ანდრეი სიბიგა, რომელმაც აღნიშნა, რომ უნგრეთი ისტორიის არასწორ მხარეს დგას და უკრაინა საპასუხო ზომებს მიიღებს.