დღეს, 28 აგვისტოს ღამით კიევზე რუსეთის მასშტაბური დარტყმის შედეგად დაღუპულთა რიცხვი 18-მდე გაიზარდა. ინფორმაციას უკრაინული მედია ავრცელებს. არსებული ინფორმაციით დაღუპულთა შორის 2, 14 და 17 წლის ბავშვები არიან.

დარნიცკის რაიონში, სადა შეტევის არეალში საცხოვრებელი შენობა მოხვდა, სულ მცირე თორმეტი ადამიანი დაიღუპა, ხოლო შევჩენკოს რაიონში ერთი დაღუპულია, — ამის შესახებ შინაგან საქმეთა მინისტრმა იგორ კლიმენკომ განაცხადა.

შინაგან საქმეთა სამინისტროს ბოლო განახლების მიხედვით, დაშავებულია 38 ადამიანი. უფრო ადრე ხელისუფლების მიერ გავრცელებული მონაცემებით, დაშავებულთა რიცხვი 40-ს აღემატებოდა. სულ მცირე 30 დაშავებული ჰოსპიტალიზებულია, მათ შორის 10 ბავშვია, — აცხადებენ კიევში.

უკრაინის საჰაერო ძალების ცნობით, რუსეთმა ღამით 598 დრონი გაუშვა. მათივე ცნობით, ჩამოგდებულია 563 დრონი და 26 რაკეტა.