განათლება ჩვენი წარმატების გზის განუყოფელი ნაწილია. თითქოს განათლებას უჭირავს სწორედ ის ჯადოსნური ჯოხი, რომელიც გადამწყვეტ მომენტებში თავდაჯერებულობას გვაძლევს, იმისთვის, რომ ერთ დროს მიუწვდომელ მიზანს კიდევ უფრო მეტად მივუახლოვდეთ. ამიტომ, ხშირად ვამბობთ, რომ განათლება არის ის, რაც ყველაზე რთულ მომენტებში, მაშინაც, როცა ძალიან მტკივნეული მარცხის შემდეგ იმ დიდი ოცნებისკენ მიმავალი გზა თითქოს აღარ მოჩანს, გვაჯერებს, რომ შეუძლებელიც შესაძლებელია.

თიბისისთვის მნიშვნელოვანია განათლების, როგორც საკუთარი თავის რწმენის ერთ-ერთი ფუნდამენტური საშუალების, მხარდაჭერა და განსაკუთრებით, ამ კუთხით ახალი თაობისთვის მეტი შესაძლებლობის შექმნა. საგანმანათლებლო ფონდ ვიზიონერთან პარტნიორობით თიბისიმ შეძლო კიდევ უფრო მეტი ახალგაზრდისთვის აემაღლებინა თვითრწმენა საკუთარი უნარების და ისინი განათლების ძალიან საინტერესო, აღმოჩენებით სავსე, გზაზე გაეძლიერებინა. დღეს კიდევ ერთ ამბავს გაცნობთ, იურიდიული ფაკულტეტის სტუდენტის კესო ლალიაშვილის შესახებ.

“განათლება არის ის ერთადერთი გზა, რომელიც საკუთარი თავის შეცნობაში მუდმივად გეხმარება. გიქმნის მომავლის იმედს, რაც მუდამ თან გდევს, როდესაც შენი დიდი თუ პატარა მიზნებისკენ მიდიხარ. განათლება გაძლევს თავდაჯერებულობას, გახსენებს ყოველ უძილო ღამეს, რომელიც მის მისაღებად გაათენე და თან ყველაზე დიდ ოცნებამდე მიჰყავხარ.”

კესოს განათლების ამბავი სკოლიდან იწყება, როდესაც ჯერ კიდევ გენური ინჟინერიის კუთხით ფიქრობდა კარიერული მომავლის შექმნას, თუმცა შემდეგ არჩევანი მაინც იურიდიულ ფაკულტეტზე შეაჩერა. განათლება, რომელსაც მიიღებს, კესოს აზრით, რელევანტური და საჭირო უნდა იყოს იმ გარემოსთვის, სადაც ცხოვრობს, რამაც, საბოლოოდ, სამართლის სფეროში აპოვნინა საკუთარი თავი.

“ხშირად ვამბობ, რომ განათლება საკუთარი თავის პოვნაში დამეხმარა. სწორედ საგანმანათლებლო სივრცეებმა მაგრძნობინა, რომ მაქვს შინაგანი ხმა, რომელიც სულ უნდა ჟღერდეს.”

კესოს საუბარში გამორჩეულად ფიგურირებდა ერთი თემა — საკუთარი თავის რწმენა. რწმენა იმისა, რომ თუ არ დაიჯერე, შეიძლება შენი განათლების ამბავი გაწყდეს და ძალიან გაგიჭირდეს, მისი გასაგრძელებელი გზის მარტივად პოვნა.

“თუ შენ არ გჯერა საკუთარი თავის, შესაძლებლობების, უნარების, ოცნებების, სხვა როგორ უნდა დააჯერო? სწორედ ამიტომ, მთავარია გჯეროდეს არ უნდა იყოს უცარიელი სიტყვები. ამ სულისკვეთებით უნდა იმოქმედო ყოველ დღე და აუცილებლად გაიმარჯვებ.”

განათლება, როგორც საკუთარი თავის გამოხატვის საშუალება, ახალი თაობის ცხოვრებაში განსაკუთრებით დიდ როლს ასრულებს. განათლება ქმნის თავისუფლებას, როგორც უმაღლეს ღირებულებას სამყაროში. ამ რთულ, მაგრამ უსაზღვროდ საინტერესო მოგზაურობაში, საკუთარი ამბის შექმნაში ახალგაზრდებს თიბისი ეხმარება.