"მე არ მქონია პირდაპირი კომუნიკაცია თორნიკე რიჟვაძესთან გამომდინარე იქიდან, რომ ამის ტექნიკური საშუალება არ იყო, ტელეფონი მას არ აქვს", — ამის შესახებ "ოცნების" პრემიერმა, ირაკლი კობახიძემ ბახმაროში ჟურნალისტებთან საუბრისას განაცხადა. მისივე თქმით, მუდმივად კითხულობენ თორნიკე რიჟვაძეს და უხარია, რომ "ყველაფერი მიდის ძალიან კარგი მიმართულებით".

"მე არ მქონია პირდაპირი კომუნიკაცია თორნიკე რიჟვაძესთან გამომდინარე იქიდან, რომ ამის ტექნიკური საშუალება არ იყო, ტელეფონი მას არ აქვს. თუმცა, ჩვენ მუდმივად ვკითხულობთ მისი ჯანმრთელობის მდგომარეობას და გვიხარია, რომ ყველაფერი მიდის ძალიან კარგი მიმართულებით.

რაც შეეხება გამოძიებას, გამოძიება წარიმართება, ყველაფრის გასაჯაროება შეიძლება, მათ შორის იმ კადრების, რაც არსებობს. შეგიძლიათ დაინტერესდეთ პროკურატურასთან, ამ კადრების გასაჯაროებას წინ ვერაფერი დაუდგება. ისეთი კადრებია, რომელიც უშუალოდ ამ შემთხვევას არ ასახავს, თუმცა შესაძლოა, საზოგადოებისთვის საინტერესო იყოს. დაინტერესდით პროკურატურასთან და გაგიზიარებენ", — განაცხადა "ოცნების" პრემიერმა, ირაკლი კობახიძემ ბახმაროში ჟურნალისტებთან საუბრისას.

2025 წლის 7 ივლისს, საგარეჯოს "ჯეოჰოსპიტალსში" აჭარის ავტონომიური რესპუბლიკის მთავრობის ყოფილი თავმჯდომარე თორნიკე რიჟვაძე შეიყვანეს, რომელსაც გულმკერდის არეში ცეცხლნასროლი ჭრილობა აღენიშნებოდა. შინაგან საქმეთა სამინისტროში გამოძიება სისხლის სამართლის კოდექსის 115-ე მუხლით არის დაწყებული, რაც თვითმკვლელობამდე მიყვანას გულისხმობს.

თორნიკე რიჟვაძე საგარეჯოს "ჯეოჰოსპიტალსიდან" ჯერ თბილისში, პირველ საუნივერსიტეტო კლინიკაში გადაიყვანეს, შემდეგ კი თურქეთში.

მეტი თორნიკე რიჟვაძის თვითმკვლელობის მცდელობის შესახებ: