რუსეთის უსაფრთხოების საბჭოს თავმჯდომარის მოადგილე დიმიტრი მედვედევი ამერიკის შეერთებული შტატების პრეზიდენტის განცხადებას საკუთარ ტელეგრამ არხზე გამოეხმაურა. მან აშშ-ის ლიდერის გამოხმაურება "ნერვიულობად" შეაფასა და აღნიშნა, რომ რუსეთი გააგრძელებს საკუთარი გზით სიარულს.

"რაც შეეხება ტრამპის მუქარებს ჩემს წინააღმდეგ მის პირად სოციალურ ქსელში —Truth, რომლის ფუნქციონირებაც მან ჩვენს ქვეყანაში აკრძალა — თუ რუსეთის ყოფილი პრეზიდენტის რამდენიმე სიტყვა ასეთ ნერვულ რეაქციას იწვევს ამ მრისხანე ამერიკის პრეზიდენტის მხრიდან, მაშინ რუსეთი ყველაფერში მართალია და გააგრძელებს საკუთარ გზას," — დაწერა მედვედევმა.

ცნობისთვის, ეს დაძაბულობა მას შემდეგ დაიწყო, რაც დონალდ ტრამპმა რუსეთისთვის უკრაინაში სამხედრო მოქმედებების შესაჩერებლად მიცემული 50-დღიანი ვადა 10-დღემდე შეამცირა.