როგორც ჩანს, ოლივია როდრიგოს მიერ თავისი გუნდისთვის შერჩეულმა თერაპევტებმა მართლაც დიდი შედეგი გამოიღეს.

22 წლის მომღერალმა, საერთაშორისო ჰიტის, Vampire-ის შემსრულებელმა ოლივია როდრიგომ და მისმა ტურნეს მენეჯერმა, მარტი ჰომმა მთელი გუნდისთვის უფასო და ხელმისაწვდომი თერაპია უზრუნველყვეს — ამის შესახებ ოლივიას ბენდის წევრმა, რითმ გიტარისტმა დეიზი სპენსერმა ისაუბრა პოდკასტში The StageLeft Podcast.

"ასეთი რამ ჩემთვის პირველი იყო," — აღნიშნა 31 წლის სპენსერმა წამყვან კრისტოფერ სიმპსონთან საუბრისას. "ამან თერაპიის მნიშვნელობის მიმართ გრძნობები თავიდან გამიღვიძა, რადგან თერაპიაზე დიდი ხნის განმავლობაში მქონდა მიტოვებული ფიქრი."

ოლივია როდრიგო

ოლივია როდრიგო

ფოტო: oliviarodrigo

როდრიგომ და სპენსერმა ახლახან, 1 ივლისს დაასრულეს Guts ტურნეს 102-კონცერტიანი სერია და ასევე წარმატებულად წარდგნენ მსმენელის წინაშე გლასტონბერის ფესტივალზე, სადაც მათ სცენაზე ლეგენდარული როკ-ჯგუფის, The Cure-ის ფრონტმენი, რობერტ სმიტიც შეუერთდა. პოდკასტში საუბრისას სპენსერმა როდრიგო "ყველა დროის ყველაზე საოცარ ბოსად" მოიხსენია და ტურნეს მსვლელობისას ბენდის წევრების ფსიქიკური თუ ფიზიკური ჯანმრთელობის დაცვაზე ისაუბრა.

"მოულოდნელად უფასო რესურსი გამომიჩნდა — ფანტასტიური თერაპევტები — და მთლიანად გამოვიყენე ეს შესაძლებლობა," — თქვა მან. "თერაპევტებს ვხვდებოდი კვირაში ერთხელ ან ორჯერ, ან როცა მეხერხებოდა. ფსიქოლოგებთან ვიზიტი მაშინაც შეგვეძლო, როცა ტურნეს დაპაუზებული იყო."

ფოტო: Getty Images

როდრიგოს მამა, კრის როდრიგო, ოჯახური თერაპევტია, და მომღერალს არაერთხელ აღუნიშნავს, რომ თერაპია თავად 16 წლიდან დაიწყო.

"ეს ჩემთვის მართლაც მნიშვნელოვანი, ცხოვრების მთლიანად შემცვლელი მომენტი იყო," — უთხრა მან CBS Sunday Morning-ს 2021 წელს, — "ჩემს თავზე უამრავი რამ ვისწავლე."

მართალია, Guts-ის ტურნე დასრულებულია, თუმცა როდრიგო ზაფხულის განმავლობაში კიდევ რამდენიმე ფესტივალზე გამოვა, მათ შორის 1-ელ აგვისტოს, სადაც ის Lollapalooza-ზე მთავარ შემსრულებლად წარდგება.