აზერბაიჯანის სახელმწიფო უსაფრთხოების სამსახურმა "ვაგნერის" დანაყოფის ორი აზერბაიჯანელი წევრი, 1991 წელს დაბადებული რამილ რამიზოღლუ ალიევი და 1974 წელს დაბადებული ისმაილ ბულუდხან ჰასანოვი დააკავა. ინფორმაციას აზერბაიჯანული მედია ავრცელებს და წერს, რომ დაკავებულებს ბრალი მრავალ კრიმინალურ დანაშაულში ედებათ — კერძოდ, განზრახ მკვლელობასა და აზერბაიჯანელი მოსახლეობის მიმართ ჩადენილ სხვადასხვა დანაშაულებში.

მედიის ცნობით, ვაგნერის ყოფილი მეთაურის, ევგენი პრიგოჟინის მიერ პერსონალურად არჩეული ალიევი და ჰასანოვი მანამდე სასჯელს ადგილობრივ პენიტენციურ დაწესებულებაში იხდიდნენ, შემდეგ კი ისინი ფულისა და სამხედრო მოქმედებებში მონაწილეობის სანაცვლოდ გაათავისუფლეს.

მათ მიერ აზერბაიჯანის მოსახლეობის წინააღმდეგ ჩადენილ დანაშაულებზე გამოძიება მიმდინარეობს.