დღეს, 8 ივლისს, ოცნების ხელისუფლების საგარეო საქმეთა მინისტრი მაკა ბოჭორიშვილი, უზბეკ კოლეგას, ბახტიორ საიდოვს შეხვდა, რომელიც თბილისში პირველი ოფიციალური ვიზიტით იმყოფება.

უწყების ცნობით, შეხვედრაზე საქართველოს და უზბეკეთს შორის არსებულ მეგობრულ ურთიერთობებსა და პარტნიორობაზე ისაუბრეს.

მათვე ცნობით, განსაკუთრებული ყურადღება ორ ქვეყანას შორის სავაჭრო-ეკონომიკური კავშირების გაძლიერებას დაეთმო. ხაზი გაესვა აღმოსავლეთსა და დასავლეთს შორის დამაკავშირებელი შუა დერეფნის განვითარების პროცესში საქართველოსა და უზბეკეთის ერთობლივ თანამშრომლობას.