Wednesday- ს მე-2 სეზონის გამოსვლის თარიღი ცნობილია

"უბედურების ზაფხული" იწყება — შავ-ბნელი ამბებითა და სარკასტული იუმორით აღსავსე სერიალი, Wednesday ოფიციალურად ბრუნდება ეკრანებზე — მეორე სეზონის პირველი ნაწილი ნეტფლიქსზე 6 აგვისტოს გამოვა, მეორე ნაწილი კი — 3 სექტემბერს.

როგორც ნეტფლიქსი იუწყება, მეორე სეზონში მოქმედება კვლავ "ნევერმორის" გოთიკურ კედლებში განვითარდება, უენსდეის კი, რომლის როლსაც ჯენა ორტეგა ასრულებს, ახალი მტრები, ტანჯვა, და მისტიკა ელის.

**კადრი Wednesday-ის მეორე სეზონიდან**

ფოტო: Helen Sloan/Netflix

"ამ სეზონში უენსდეის ისტორია უფრო ბნელი და კომპლექსურია — ის ცდილობს გაუმკლავდეს ოჯახს, მეგობრებს, ახალ საიდუმლოებებსა და ძველ მტრებს, რომლებიც ნევერმორის ახალი სასწავლო წლის განმავლობაში იჩენენ თავს," — ამბობენ შოუს აღმასრულებელი პროდიუსერები, ალფრედ გაუ და მაილს მილარი გამოცემა Tudum-თან.

თავად უენსდეი, თავისი მახვილი ენითა და შავი იუმორით, ჩაეფლობა ახალ, ზებუნებრივ საიდუმლოში. მაყურებელი კვლავ იხილავს ძველ, კარგად ნაცნობ სახეებს — ადამსების ოჯახის წევრებს, მათ შორის მორტიციას, გომესსა და პაგსლის, რომლებიც ამ სეზონში კიდევ უფრო მნიშვნელოვან როლს შეასრულებენ.

გარდა ამისა, შოუს ახალი, საინტერესო პერსონაჟები შეემატებიან, რომელთაც ცნობილი ვარსკვლავები განასახიერებენ.

მათ შორისაა სტივ ბუშემი, რომელიც თამაშობს ნევერმორის ახალი დირექტორის, ბარი დორტის როლს. "ყოველთვის ვგიჟდებოდი ადამსების — ფილმებზე, სერიალზე... და Wednesday-ს დიდი გულშემატკივარი ვიყავი, ასე რომ ძალიან გამიხარდა, რომ ამ როლზე დამიკავშირდნენ," — ამბობს ბუშემი Tudum-თან. "ბარი დორტი ოდნავ იდუმალი ფიგურაა. მასში რაღაც აშკარად საეჭვოა, მაგრამ სკოლა ნამდვილად უყვარს და ნამდვილი აუტსაიდერის სიამაყით ცხოვრობს."

გარდა ამისა, გავრცელებული ინფორმაციით, Wednesday-ის მეორე სეზონში ლედი გაგასაც ვიხილავთ.

"უენსდეი ამჯერად ფიქრობს, რომ ნევერმორს უკვე კარგად იცნობს და პირველად ბრუნდება სკოლაში საკუთარი ნებით. მაგრამ მისი დაბრუნებისთანავე, ყველაფერი არასწორად ვითარდება. მას ჰგონია, რომ კონტროლს შეინარჩუნებს, რომ იცის, სადაა დამარხული ძაღლის თავი, მაგრამ ასე საერთოდ არ არის," — ამბობენ შოუს შემქმნელები.

იხილეთ ასევე:

ბოლო ამბები:

გირჩევთ

Wednesday- ს მე-2 სეზონის გამოსვლის თარიღი ცნობილია — ყველაფერი, რაც ვიცით

კომენტარები

კვირის ტოპ-5

გირჩევთ

ახლა კითხულობენ