"ყველა ხედავს, რომ "დიფ სთეითი" ევროკავშირის დაფინანსებას იყენებს საქართველოში რევოლუციური პროცესების წასახალისებლად", — ამის შესახებ ოცნების პრემიერმა, ირაკლი კობახიძემ ჟურნალისტებთან საუბრისას განაცხადა.

მისი თქმით, ეს ყველაფერი "მძიმედ აისახება" "არა მხოლოდ ევროპული ბიუროკრატიის, არამედ ევროკავშირის იმიჯზე ჩვენს ქვეყანაში".

"ყველა ხედავს, რომ "დიფ სთეითი" ევროკავშირის დაფინანსებას იყენებს საქართველოში რევოლუციური პროცესების წასახალისებლად. კარგი ისაა, რომ არანაირი პერსპექტივა ამ პროცესებს ბუნებრივია არ აქვს. თავისთავად ის ფაქტი, რომ ევროკავშირის ფონდებიდან დაფინანსებული ენჯოები აწყობენ 2000-კაციან აქციას, ითხოვენ ხელისუფლების დამხობას და ა.შ. ეს ძალიან სამწუხარო რეალობას ქმნის. ასეთი ქმედებები, ფაქტები მძიმედ აისახება არა მხოლოდ, სამწუხაროდ, ევროპული ბიუროკრატიის, არამედ ევროკავშირის იმიჯზე ჩვენს ქვეყანაში. ამიტომ არავის უკვირს, რომ 80%-დან შემცირებულია ნდობა ევროკავშირის მიმართაც კი რადიკალურად დაახლოებით 50%, ცოტა მეტია ნდობა. იმიტომ, რომ ევროპული ბიუროკრატია, რომელიც იმართება "დიფ სთეითის" მხრიდან ანადგურებს ქართველი საზოგადოების თვალში ნდობას ევროპული სტრუქტურების მიმართ", — თქვა კობახიძემ.