23 ივნისის ღამეს, პარლამენტის მიმდებარე ტერიტორიაზე მიმდინარე აქციაზე პოეტი ზვიად რატიანი სისხლის სამართლის წესით დააკავეს, რაც პოლიციელზე თავდასხმას გულისხმობს.

შსს-ს ცნობით, რატიანი სისხლის სამართლის კოდექსის 353 პრიმა მუხლის საფუძველზეა დაკავებული, რაც პოლიციელზე თავდასხმას გულისხმობს. ცნობისათვის, ამ მუხლის პირველი ნაწილი 4-დან 7 წლამდე თავისუფლების აღკვეთას ითვალისწინებს.

ზვიად რატიანის დაკავების კადრებს სოციალური პლატფორმა Protest 24-მა გაავრცელა.

ზვიად რატიანი პროევროპულ აქციაზე პირველად 2024 წლის 28-29 ნოემბრის ღამეს დააკავეს. მაშინ მას წვრილმან ხულიგნობასა და პოლიციისთვის წინააღმდეგობის გაწევას ედავებოდნენ. 2 დეკემბერს მოსამართლე ზვიად ცეკვავამ ზვიად რატიანს 8-დღიანი პატიმრობა შეუფარდა, რის შემდეგაც, 2024 წლის 9 დეკემბერს მან დროებითი მოთავსების იზოლატორი დატოვა.