რამდენიმე წუთის წინ ლელო ძლიერი საქართველოს ოფისში შინაგან საქმეთა სამინისტროს წარმომადგენლები მივიდნენ. ოპოზიციური პარტიის ლიდერებს ხელბორკილები პარტიის ოფისში დაადეს.

"ბრძოლა გრძელდება ბოლომდე! ამ ქვეყანას ელოდება ბრწყინვალე მომავალი! ქართველი ხალხი გაიმარჯვებს!" — განაცხადა ბადრი ჯაფარიძემ დაკავებისას.

ადგილზე იმყოფებიან ოპოზიციის ლიდერები — ნაციონალური მოძრაობის ერთ-ერთი ლიდერი ლევან ხაბეიშვილი, სტრატეგია აღმაშენებლის ლიდერი გიორგი ვაშაძე და კოალიცია ცვლილებისთვის ერთ-ერთი ლიდერი ელენე ხოშტარია. ლელო ძლიერი საქართველოს ოფისში იმყოფებოდა ასევე საქართველოს მე-5 პრეზიდენტი სალომე ზურაბიშვილი.

ოპოზიციის ლიდერების დაკავებამდე ოფისთან დიდი რაოდენობით სამართალდამცავები, მათ შორის ავტობუსებით იყვნენ მობილიზებული.

ბადრი ჯაფარიძე და მამუკა ხაზარაძეს ოცნების პარლამენტის დროებითი საგამოძიებო კომისიის მოთხოვნის შეუსრულებლობას ედავებოდნენ. ორივე მათგანს სასამართლომ 8 თვით პატიმრობა შეუფარდეს. მათ ასევე აეკრძალა თანამდებობის დაკავება 2 წლის ვადით. ბრალდებულები განაჩენის გამოცხადებას არ დასწრებიან.