ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, კაია კალასი ახლო აღმოსავლეთში განვითარებულ მოვლენებთან დაკავშირებით სოციალურ ქსელში წერს.

"ირანს არ უნდა მიეცეს შესაძლებლობა, განავითაროს ბირთვული იარაღი, რადგან ეს საერთაშორისო უსაფრთხოებისთვის სერიოზულ საფრთხეს წარმოადგენს.

მოვუწოდებ ყველა მხარეს, დაუბრუნდნენ მოლაპარაკებების მაგიდას და თავი შეიკავონ შემდგომი ესკალაციისგან.

ევროკავშირის საგარეო საქმეთა მინისტრები ხვალ განიხილავენ არსებულ სიტუაციას", — დაწერა კაია კალასმა.

ცნობისთვის, შეერთებულმა შტატებმა 22 ივნისს ირანში სამ ძირითად ბირთვულ ობიექტზე, ფორდოუზე, ისპაჰანსა და ნათანზიზე, იერიში მიიტანა.