აღსრულების ეროვნული ბიუროს თავმჯდომარედ ლაშა მოძღვრიშვილი დაინიშნა. ამის შესახებ ინფორმაციას ოცნების ხელისუფლების იუსტიციის სამინისტრო ავრცელებს.

ბიუროს თანამშრომლებს ახალი ხელმძღვანელი პაატა სალიამ და მისმა პირველმა მოადგილემ, ლაშა მაღრაძემ წარუდგინეს.

უწყების ცნობით, ლაშა მოძღვრიშვილს აღსრულების ეროვნულ ბიუროში მუშაობის მრავალწლიანი გამოცდილება აქვს. მათ შორის, მუშაობდა აღმასრულებლად და კახეთის სააღსრულებო ბიუროს უფროსად.

აღსრულების ეროვნული ბიუროს თავმჯდომარის პოზიციაზე დანიშვნამდე, 2021 წლიდან, აღსრულების ეროვნული ბიუროს თავმჯდომარის მოადგილის თანამდებობას იკავებდა.

ამ პოსტზე 2025 წლის 2 აპრილს აღნიშნულ ბეჟან ობგაიძე დაინიშნა. თუმცა, დღეს ოცნების ხელისუფლების იუსტიციის მინისტრმა, პაატა სალიამ ბეჟან ობგაიძე პენიტენციური სამსახურის უფროსად დანიშნა.