საქართველოს მე-5 პრეზიდენტი, სალომე ზურაბიშვილი საქართველოში მყოფ ამერიკელ სენატორ დევისს შეხვდა.

"დღეს მე პლატფორმის სახელით შევხვდი ამერიკელ რესპუბლიკელ სენატორ დევისს, რომელიც კავკასიაშია ჩამოსული, იყო ბაქოში, მიდიოდა ერევანში და ასევე თბილისში, სადაც ჩვენ შეგვხვდა ოპოზიციას მხოლოდ და ეს არის ძალიან მნიშვნელოვანი და მოისმინა აქაური არა მხოლოდ შიდა საკითხები და კანონების დარღვევის მთელი რიგი, რაც ჩვენ წარვუდგინეთ, არამედ ასევე სტრატეგიული გამოწვევა, რაც არსებობს ამერიკისთვის ამ რეგიონში და საქართველოში და რომელიც მოითხოვს ამერიკიდან დიდ ყურადღებას", — განაცხადა ზურაბიშვილმა ბრიფინგზე.

საქართველოში აშშ-ს საელჩოს ინფორმაციით, ის ოცნების ხელისუფლების მთავრობასთან და პოლიტიკური პარტიების წარმომადგენლებთან შეხვედრისას "სენატორი გეგმავს, წამოჭრას შიდა და საგარეო საკითხები, მათ შორის კანონის უზენაესობა და ბიზნესისა და უცხოური ინვესტიციების პრიორიტეტები. ის ასევე გეგმავს, რომ გააჟღეროს პრეზიდენტ ტრამპისა და სახელმწიფო მდივან რუბიოს მთავარი პრიორიტეტები, მათ შორის "ამერიკა უპირველეს ყოვლისა" დღის წესრიგის ფილოსოფია და ნაბიჯები, რომლებიც საქართველოს მთავრობას შეუძლია გადადგას, იმის საჩვენებლად, რომ სერიოზულად არის განწყობილი შეერთებულ შტატებთან ურთიერთობის გაუმჯობესების მიმართ".