ოცნების პრემიერმინისტრის, ირაკლი კობახიძის დაქვემდებარებაში არსებული დაზვერვის სამსახური სახელმწიფო უსაფრთხოების სამსახურის, ანრი ოხანაშვილის უწყების მმართველობის სფეროში გადადის და ეროვნულ სადაზვერვო სააგენტოდ ჩამოყალიბდება.

IPN-ის ცნობით, ამას 26 კანონში დაგეგმილი საკანონმდებლო ცვლილებათა პაკეტი ითვალისწინებს, რომელიც პარლამენტში უკვე ინიცირებულია.

გამოცემის თანახმად, კანონის პროექტებით ახლებურად წესრიგდება სააგენტოს საქმიანობასა და უფლებამოსილებებთან, სააგენტოს შემადგენლობასთან, ორგანიზებასა და სტრუქტურასთან, სააგენტოს მოსამსახურის სამსახურებრივ საქმიანობაში ჩარევის დაუშვებლობასთან, მის სამართლებრივი დაცვის გარანტიებსა და სააგენტოს დაფინანსებასთან დაკავშირებული საკითხები.