ოსკარის მფლობელ მსახიობ ჯენიფერ ლოურენსს საკმაოდ დატვირთული თვე აქვს. რამდენიმე ფესტივალის შემდეგ ის ნიუ-იორკში, თავისი ახალი ფილმის Mother! პრემიერაზე იმყოფებოდა.

გუშინ კი გადაცემაში Today სტუმრობის დროს, ჰოლივუდის ვარსკვლავმა საკუთარ კარიერაზე ისაუბრა და თქვა, რომ დროა ცოტა ხნით შეისვენოს.

"2010 წლიდან მოყოლებული შენ ბევრ საინტერესო და მნიშვნელოვან ფილმში ითამაშე, ყოველ წელს გქონდა ახალი როლი, როგორ ფიქრობ შესვენების დრო მოვიდა?", - შეეკითხა ლოურენს გადაცემის წამყვანი.

"ვაპირებ შევისვენო, მომდევნო ორი წელი არაფერი მაქვს დაგეგმილი", - თქვა ლოურენსმა და ხუმრობით დაამატა, რომ შესაძლოა მომდევნო წლები თავის ჰობს დაუთმოს და თიხისგან ძერწოს.

შეგახსენებთ, რომ ამჟამად ჯენიფერის მონაწილეობით დარენ არანოვსკის ახალი ფილმი Mother! გამოვიდა, 2018 წელს კი FOX-ის ფილმი Red Sparrow გამოვა, რომლის რეჟისორიც ფრენსის ოლივერია.