სამხრეთ ერაყში მომხდარი ორი აფეთქების შედეგად სულ მცირე 50 ადამიანი დაიღუპა. დაშავებულია 80-ზე მეტი ადამიანი, რომელთა უმრავლესობა მძიმე მდგომარეობაშია, შესაბამისად გარდაცვლილთა რაოდენობა, შესაძლოა, გაიზარდოს.

BBC-ის ცნობით, ჯერ ერთ-ერთ რესტორანში თვითმკვლელმა თავდამსხმელმა აიფეთქა თავი, ხოლო ცოტა ხანში, მიმდებარე ტერიტორიაზე მანქანა აფეთქდა.

ე.წ. ისლამური სახელმწიფო აცხადებს, რომ თავდასხმები მათი განხორციელებულია. დაღუპულთა შორის კი შიიტი პილიგრიმები, მათ შორის, ირანელები არიან.