"დამკვიდრებული პრაქტიკა, რომ გირაოს უფარდებენ და ისე უშვებენ, ერთი ლარის გადამხდელი არ ვარ!" — ამის შესახებ ჟურნალისტებს კოალიცია ცვლილებისთვის წევრმა, ზურაბ გირჩი ჯაფარიძეს განაცხადა.

მას პარლამენტის დროებით საგამოძიებო კომისიაზე გამოუცხადებლობის გამო, ბრალდება წაუყენეს.

მისივე თქმით, შესაძლოა პასპორტიც ჩამოართვან.

"მასალები გადმომცეს, რაღაც დოკუმენტები. უცებ რასაც გადავხედე, არის whatsapp-ში ჩემი მიმოწერები, სადაც მეძახიან ამ ვითომ კომისიაზე. არის ჩემი Facebook-ის პოსტების "სქრინები", სადაც "ვაი, თქვე ყ..ეებო" მიწერია ორჯერ და ეგ არის 80-იანი "ფონტით" ამობეჭდილი, დევს მასალებში. მეტი შიგნით არაფერია. რომ არ მივდიოდი და არ ვაპირებდი მისვლას, ისედაც იციან. არაფერზე ხელი არ მომიწერია. დღეს გადააგზავნიან, სავარაუდოდ, სასამართლოში, მერე იქნება პროცესი და იმსჯელებენ ალბათ აღმკვეთი ღონისძიების შეფარდებაზე. დამკვიდრებული პრაქტიკა რაცაა, რომ გირაოს უფარდებენ და ისე უშვებენ, ერთი ლარის გადამხდელი არ ვარ! არაფრის გადამხდელი არ ვარ! გირაოს შინაარსი არის ის, რომ არ გავიქცე ქვეყნიდან, ეს არ ვქნა და ის არ ვქნა. არსად წასვლას არ ვაპირებ! როცა პირველად შემომეხმიანნენ, სტრასბურგში ვიყავი, ჩამოვედი, აქ ვარ. ზოგადად ამ ქვეყნიდან არსად წასვლას არ ვაპირებ! მანამ სანამ ამათ არ გავუშვებ, მანამდე არც გაჩერებას არ ვაპირებ! შესაძლოა პასპორტი ჩამომართვან", — განაცხადა ზურაბ ჯაფარიძემ.

ზურა ჯაფარიძე ოცნების პარლამენტის საგამოძიებო კომისიის სხდომაზე 8 აპრილს დაიბარეს. კომისიაზე არ გამოცხადების შემდეგ მისი საქმე პროკურატურას გადასცეს, შემდეგ კი ბრალი წაუყენეს. შეგახსენებთ, რომ აღნიშნულ კომისიაზე გამოუცხადებლობას სისხლის სამართლის დანაშაულის კვალიფიკაცია აქვს და ერთ წლამდე პატიმრობას ან გირაოს ითვალისწინებს.