ქართველთა მარშის მონაწილეების, ნეო-ნაცისტების აქციას, მილიარდერი ფილანტროპის, ჯორჯ სოროსის და მისი ფონდის - ღია საზოგადოების წინააღმდეგ, პატრიოტთა ალიანსის დეპუტატი ადა მარშანიაც ესწრება.

აქციის მონაწილეები საქართველოს ტერიტორიაზე არსებული სასოფლო-სამეურნეო მიწის უცხო ქვეყნის მოქალაქეებზე გასხვისებას ეწინააღმდეგებიან და საქართველოში ფონდი ღია საზოგადოების აკრძალვას მოითხოვენ.

"რადგან მე აქ ვარ ვუერთდები აქციას. მე მგონი პატრიოტების პოზიცია ცნობილია. ჩვენ სისტემატიურად ვსაუბრობთ ამ [მიწის გასხვისების] საკითხზე და მიგვაჩნია საკვანძო და ფუნდამენტურ საკითხად ჩვენი ქვეყნისთვის", - უთხრა On.ge-ს ადა მარშანიამ.

ღია საზოგადოება - საქართველო ღია საზოგადოების ფონდების ქსელის წევრი ორგანიზაციაა. ფონდი ახორციელებს პროექტებს და მხარს უჭერს ისეთ ინიციატივებს, რომელიც ემსახურება კანონის უზენაესობას, ადამიანის უფლებების დაცვას, სამოქალაქო ორგანიზაციებისა და მედიის განვითარებას, სამოქალაქო ღირებულებების დამკვიდრებას, ეროვნულ და ევროპულ ინტეგრაციას, ჯანდაცვის სფეროს განვითარებასა და სოციალურ თანასწორობას.

თვალი ადევნეთ აქციის ფეისბუკ ლაივს: