შალვა პაპუაშვილი და ნინო წილოსანი "ოცნების" პარლამენტში სკოლის მოსწავლეებს შეხვდნენ.

"ოცნების" პარლამენტის თავმჯდომარემ, შალვა პაპუაშვილმა განაცხადა, რომ მნიშვნელოვანია, ახალგაზრდობამ იცოდეს საკუთარი ქვეყნის მოწყობისა და განვითარების საკითხები.

"შეხვედრაზე ვისაუბრეთ თუ რა გზა გაიარა ჩვენმა ქვეყანამ და როგორ განვითარდა პარლამენტარიზმის ისტორია. მნიშვნელოვანია, რომ ჩვენმა ახალგაზრდობამ იცოდეს, რა როლი აქვს პარლამენტს და როგორ

შეუძლიათ მოქალაქეებს პარლამენტთან ურთიერთობა", — თქვა შალვა პაპუაშვილმა.

შეხვედრა "ოცნების" პარლამენტის თავმჯდომარის მოადგილის, ნინო წილოსანის ინიციატივით, ქალთა ისტორიის თვის (მარტის) კამპანიის ფარგლებში გაიმართა.

ინფორმაციას "ოცნების" პარლამენტი ავრცელებს.