ენმ-ს ხელისუფლების საქმიანობის შემსწავლელ დროებით კომისიის თავმჯდომარე, თეა წულუკიანი კოალიცია "ძლიერი საქართველოს" ერთ-ერთი ლიდერის, ბადრი ჯაფარიძის საქმეს, ენმ-ს ხელისუფლების საქმიანობის შემსწავლელ დროებით კომისიაში არ გამოცხადების გამო, პროკურატურას გადასცემს. ამის შესახებ წულუკიანმა კომისიის დღევანდელი სხდომის დაწყების წინ განაცხადა.

"კომისიის სამდივნო ბოლო რამდენიმე დღის განმავლობაში ინტენსიურად უკავშირდებოდა როგორც მას, ბადრი ჯაფარიძეს, ასევე მამუკა ხაზარაძეს და სთხოვდა მობრძანებას კომისიის წინაშე და შპს "მაგნატის" საქმის შესახებ კომისიის კითხვებზე გაცემას. მაგრამ ბატონმა ბადრი ჯაფარიძემ არ ისურვა კომისიასთან კონტაქტ.

მე გთავაზობთ კომისიას, რომ სისხლის სამართლის დანაშაულის ნიშნები უკვე არის, სავარაუდოდ, სახეზე. დანარჩენს პროკურატურა შეაფასებს სამართლებრივად და გთავაზობთ კენჭისყრაზე დავაყენოთ საკითხი ბატონო ბადრი ჯაფარიძის ქმედების შესახებ", — თქვა თეა წულუკიანმა.

25 მარტს კომისიაში არ გამოცხადდა ასევე კოალიცია "ძლიერი საქართველოს" კიდევე ერთი ლიდერი მამუკა ხაზარაძე. წულუკიანმა მისი საქმეც პროკურატურას გადასცა შესასწავლად. შეგახსენებთ, რომ აღნიშნულ კომისიაში არ გამოცხადება სისხლს სამართლის დანაშაული ადა 1 წლამდე პატიმრობას ითვალისწინებს.

ცნობისათვის ენმ-ს ხელისუფლების საქმიანობის შემსწავლელმა დროებითმა საგამოძიებო კომისიამ კოალიცია ძლიერი საქართველოს ლიდერები მამუკა ხაზარაძე და ბადრი ჯაფარიძე გამოკითხვაზე შპს მაგნატის საქმეზე დაიბარა.

შეგახსენებთ, რომ აღნიშნულ კომისიაში არ გამოცხადება სისხლს სამართლის დანაშაულია და 1 წლამდე პატიმრობას ითვალისწინებს.