ანკარის გუბერნატორის ადმინისტრაციამ მასობრივი აქციების, შეკრებებისა და მიტინგების ჩატარება 26 მარტიდან 1-ელ აპრილამდე აკრძალა.

განცხადებაში აღნიშნულია, რომ დანაშაულის პრევენციის მიზნით აიკრძალა აქციების გამართვა, ბუკლეტების გავრცელება და ბანერებისა და პლაკატების ჩამოკიდება. წინააღმდეგ შემთხვევაში სასამართლო და ადმინისტრაციული პროცედურები განხორციელდება იმ პირების მიმართ, რომლებიც არ შეასრულებენ მითითებულ ბრძანებებსა და აკრძალვებს.

"პრევენციული სამართალდამცავი ღონისძიებების ფარგლებში, დანაშაულის პრევენციის მიზნით, რათა უზრუნველყოფილ იქნას მშვიდობა და უსაფრთხოება, პირადი ხელშეუხებლობა, განკარგვასთან დაკავშირებული უსაფრთხოება, საზოგადოებრივი კეთილდღეობა, ეროვნული უსაფრთხოება, საზოგადოებრივი წესრიგი, დანაშაულის პრევენცია, საზოგადოებრივი ჯანმრთელობისა და საზოგადოებრივი ზნეობის დაცვა და სხვათა უფლებები და თავისუფლებები აკრძალულია აქციები და ღონისძიებები, ბუკლეტების გავრცელება, ბანერების/პლაკატების ჩამოკიდება", — ნათქვამია განცხადებაში.

მათვე ინფორმაციით, შესაბამისი კანონმდებლობის ფარგლებში, შესაბამისი სასამართლო და ადმინისტრაციული პროცედურები განხორციელდება იმ პირების მიმართ, რომლებიც არ შეასრულებენ მითითებულ ბრძანებებსა და აკრძალვებს.