ოცნების ლიდერის, მამუკა მდინარაძის თქმით, "მაუწყებლობის შესახებ" კანონი ონლაინ მედიაზე, ზოგადად, არ გავრცელდება, მაგრამ მაუწყებლების შესაბამის ონლაინ პლატფორმებზე გავრცელდება.

"მაუწყებლობის შესახებ კანონი, ჟურნალისტების მიერ აღიარებული ქცევათა წესები გადადის სავალდებულო აღსრულებაში, გამომდინარე იქიდან, რომ ის გადადის სახელმწიფო რეგულირების სფეროში. თუ აქამდე იყო თვითრეგულირებაში და კონკრეტულ მედია საშუალებებს თავად ჰქონდათ კონკრეტულ დარღვევებზე რეაგირების უფლება, ახლა ეს ფუნქცია კომუნიკაციების მარეგულირებელ ეროვნულ კომისას გადაეცემა.

ასევე, უმრავლესობის სხდომაზე, ამა საკითხთან დაკავშირებით მიღებული იქნა გადაწყვეტილება, რომ გარდა იმ ნორმებისა, რომელიც აღიარებული იყო ჟურნალისტების კორპუსის მიერ, ბრიტანული სტანდარტი, ასევე გავრცელდეს, მაუწყებლების ვებ-გვერდებსა და სოციალურ ქსელებზე.

აქტუალური იყო კითხვა: გავრცელდება თუ არა ონლაინ მედიაზე ზოგადად? — არა. ონლაინ მედიაზე ზოგადად, არ გავრცელდება, მაგრამ მაუწყებლების შესაბამის ონლაინ პლატფორმებზე კანონის ნორმები გავრცელდება", — განაცხადა მდინარაძემ.

ამავე თემაზე:

მაუწყებლობის შესახებ კანონში ცვლილებები ინტერნეტსა და ონლაინმედიებზეც გავრცელდება

საკანონმდებლო ცვლილებები, რომელთაც "ქართულმა ოცნებამ" მხარი დღეს დაუჭირა

არჩილ გორდულაძე: ჩვენი ცვლილებები გაზეთებს და ონლაინ-მედიას არ ეხება, დამატებითი გამოწვევაა

ერთადერთი რამის შეცვლა ხდება, თვითრეგულირება გადმოდის სახელმწიფო რეგულირებაში - მამუკა მდინარაძე მაუწყებლის შესახებ კანონზე