16 მარტს, ჩრდილოეთ მაკედონიის ქალაქ კოჩანში მდებარე ღამის კლუბში გაჩენილი ხანძრისაგან 155 ადამიანი დაშავდა და 59 დაიღუპა.

BBC-ს ცნობით, მიმდინარე გამოძიების ფარგლებში პოლიციამ 15 ადამიანი დააკავა და ჩრდილოეთ მაკედონიის მთავრობამ, მომხდარის გამო, 7-დღიანი ეროვნული გლოვა გამოაცხადა.

ჩრდილოეთ მაკედონიის შინაგან საქმეთა მინისტრ პანჩე ტოსკოვსკის განაცხადებით, დაკავებულების დაკითხვა მიმდინარებს და დასძინა, რომ არსებობს საფუძვლიანი ეჭვი, რომ ხანძართან კავშირი, შესაძლოა, ქრთამის აღებასა და კორუფციას აქვს.

თავდაპირველ ცნობებზე დაყრდნობით, ტოსკოვსკიმ განაცხადა, რომ ხანძარი პიროტექნიკური მოწყობილიბის ნაპერწკალმა გააჩინა, რომელიც აალებადი მასალისგან დამზადებულ ჭერს მოხვდა. მინისტრის თქმით, ღამის კლუბს ლეგალური საქმიანობის ლიცენზია არ გააჩნდა.

პროკურატურის პრესსპიკერმა BBC-ს განუცხადა, რომ ღამის კლუბში მყოფი მუსიკოსებიდან მხოლოდ ერთი წევრი გადარჩა და ისიც საავადმყოფოში მკურნალობს. წითელი ჯვრის ერთ-ერთმა მოხალისემ, მუსტაფა საიდოვმა განაცხადა, რომ დაზარალებულთა უმეტესობა 18-დან 20 წლამდე ახალგაზრდები არიან.

ექიმმა ვლადისლავ გრუევის განცხადებით, კლინიკაში პაციენტების უმეტესობა მძიმე დამწვრობებით მიიყვანეს.

"[მათ აღენიშნებათ] მეორე და მესამე ხარისხის დამწვრობა თავის, კისრისა და ზედა ტანის არეში," — თქვა მან.

შეგახსენებთ, კვირას, ადგილობრივი დროით დაახლოებით 02:30 საათზე, კოჩანში, "პულს კლუბში", სადაც დაახლოებით 500 ადამიანი შეიკრიბა ქვეყანაში პოპულარული ჰიპ-ჰოპ დუეტის DNK-ის კონცერტზე ხანძარი გაჩნდა. დაიღუპა 59 და დაშავდა 155 ადამიანი.