რუსეთში აშშ-ის დელეგაციის ჩამოსვლამდე რამდენიმე საათით ადრე, მაშინ, როცა აშშ-ს დელეგაციას სურს დაარწმუნოს კრემლი, დათანხმდეს უკრაინასთან 30-დღიან ზავს, ვლადიმერ პუტინის მთავარი თანაშემწე უარყოფს უკრაინასთან დროებითი ცეცხლის შეწყვეტის შესაძლებლობას.

პუტინის თანაშემწემ იური უშაკოვმა 13 მარტს რუსეთის სახელმწიფო ტელევიზიის ეთერში გასულ ინტერვიუში განაცხადა, რომ აშშ-ს პრეზიდენტის დონალდ ტრამპის მიერ შემოთავაზებული ცეცხლის შეწყვეტა, რომელსაც კიევი უკვე დათანხმდა, მხოლოდ დროს მისცემდა უკრაინას, რომ რუსული ძალების ზეწოლის შემდეგ ძალები აღედგინა.

"მე, ბუნებრივია, გავაკეთე კომენტარი დროებითი ცეცხლის შეწყვეტის შესახებ მიღწეულ შეთანხმებაზე და დავაფიქსირე ჩვენი პოზიცია, რომ ეს სხვა არაფერია, თუ არა დროებითი შესვენება უკრაინელი სამხედროებისთვის", — თქვა უშაკოვმა, რომელსაც ნახევარ საუკუნეზე მეტი დიპლომატიური გამოცდილება აქვს და კრემლის საგარეო პოლიტიკის მთავარ მრჩევლად ითვლება.

მან დასძინა, რომ ერთი დღით ადრე მან განმარტა მოსკოვის პოზიცია აშშ-ის ეროვნული უსაფრთხოების მრჩეველთან მაიკ უოლცთან სატელეფონო საუბრისას.

"ნაბიჯები, რომლებიც არის სამშვიდობო მოქმედების იმიტაცია, მეჩვენება, რომ ამ სიტუაციაში არავის სჭირდება", —აღნიშნა მან და ხაზგასმით აღნიშნა, რომ რუსეთი დაჟინებით მოითხოვს კონფლიქტის გრძელვადიან დარეგულირებას, სადაც გათვალისწინებული იქნება მისი ინტერესებსა და შეშფოთებას. უშაკოვმა ასევე თქვა, რომ მისი სიტყვები მისი "პირადი პოზიციაა".

ამავე თემაზე: