ბელორუსის პრეზიდენტმა ალექსანდრე ლუკაშენკომ გამოთქვა მოსაზრება, რომ უკრაინის კონფლიქტის მშვიდობიანი მოგვარების შესახებ მოლაპარაკებები შესაძლოა მინსკში წარიმართოს და ბელორუსის დედაქალაქში უკრაინის, რუსეთისა და შეერთებული შტატების პრეზიდენტები — ვოლოდიმერ ზელენსკი, ვლადიმერ პუტინი და დონალდ ტრამპი მიიწვია.

"თუ გინდათ, მოდით. აქვე, ბელორუსის საზღვრიდან კიევამდე 200 კილომეტრში. თვითმფრინავით ნახევარი საათია. მოდით. აქ დავსხდეთ. მშვიდად, ხმაურის გარეშე, ყვირილის გარეშე. ასე რომ, გადაეცით ტრამპს: ველოდები მას აქ პუტინთან და ზელენსკისთან ერთად. მშვიდად და წყნარად ვილაპარაკოთ. თუ გინდათ მოლაპარაკება", — ამის შესახებ ლუკაშენკომ ამერიკელ ბლოგერ მარიო ნაუფალუს განუცხადა.

ბელარუსის პრეზიდენტი მიიჩნევს, რომ პუტინი ორიენტირებულია სამშვიდობო მოლაპარაკებებზე და კონფლიქტების მოგვარებაზე.

მას ასევე მიაჩნია, რომ ამერიკის პრეზიდენტი "დარწმუნებული უნდა იყოს ზელენსკისთან შეთანხმების მიღწევაზე, რადგან ზელენსკის უკან უკრაინის საზოგადოების დიდი ნაწილი დგას".

"ამიტომ, ჩვენ უნდა მივაღწიოთ შეთანხმებას", — განაცხადა ლუკაშენკომ.