აშშ-ის კონგრესში სიტყვით გამოსვლისას პრეზიდენტმა დონალდ ტრამპმა კიდევ ერთხელ შეაქო მილიარდერი ილონ მასკი, რომელიც ამჟამად აშშ-ის მთავრობის ეფექტიანობის დეპარტამენტის (DOGE) ხელმძღვანელობს.

მისი თქმით, მასკი დემოკრატებსაც კი უყვართ, მათ უბრალოდ არ სურთ ამის ჩვენება.

შეგახსენებთ, რომ მასკის ხელმძღვანელობით აშშ-ში ფედერალური უწყებების თანამშრომლების შემცირება დაიწყო და ზოგიერთის საერთოდ დახურვა.

"აშშ-ის მთავრობის ეფექტიანობის დეპარტამენტის ხელმძღვანელმა, ილონ მასკმა გამოავლინა წინა ადმინისტრაციის აბსურდული, მრავალმილიარდ დოლარიანი ხარჯვა. დანაზოგი გამოყენებული იქნება ინფლაციის წინააღმდეგ საბრძოლველად და ეროვნული ვალის დასაფარად", — ამის შესახებ აშშ-ის პრეზიდენტმა დონალდ ტრამპმა კონგრესში განაცხადა.

სიტყვით გამოსვლისას ტრამპმა ჩამოთვალა რამდენიმე კონტრაქტი, რომელიც აშშ-ის ყოფილმა პრეზიდენტმა ჯო ბაიდენის ადმინისტრაციამ გააფორმა და მასკმა გააუქმა. "აბსურდულ ხარჯებს" შორის ამერიკის ამჟამინდელმა ლიდერმა ახსენა არალეგალი ემიგრანტების ადაპტაციის დაფინანსება და თაგვებში სქესის ცვლილების კვლევა.

სიტყვით გამოსვლისას ტრამპმა თქვა, რომ DOGE-ს ხელმძღვანელი [მასკი] "დემოკრატებსაც კი უყვართ, მათ უბრალოდ არ სურთ ამის ჩვენება".

ამ განცხადებას რესპუბლიკელების ოვაციები მოჰყვა. დემოკრატი კონგრესმენებს კი პოსტერები ეჭირათ წარწერებით: "ეს სიცრუეა", "მასკი იპარავს".

დემოკრატები პროტესტს გამოთქვამდნენ ჯანდაცვის და ვეტერანთა დაცვის პროგრამების დაფინანსების შემცირების გამო.

ტრამპმა ასევე თქვა, რომ მისმა ადმინისტრაციამ ქვეყანა ჩაიბარა ეკონომიკური კატასტროფის მდგომარეობაში.

"წინა ადმინისტრაციისგან ჩვენ მემკვიდრეობით მივიღეთ ეკონომიკური კატასტროფა და ინფლაციური კოშმარი. მათმა პოლიტიკამ გამოიწვია ენერგორესურსების, საკვები პროდუქტების ფასების ზრდა და მილიონობით ამერიკელის ძირითად საჭიროებებზე კონტროლის დაკარგვა", — აღნიშნა ტრამპმა.

ტრამპს სიტყვით გამოსვლა გააწყვეტინა დემოკრატმა კონგრესმენმა ელ გრინმა. ის წამოდგა, ჯოხით ტრამპისკენ უთითებდა და იყვირა, რომ ტრამპს არ აქვს მანდატი, შეუმციროს სამედიცინო დახმარება ღარიბებს. პალატის სპიკერმა მაიკ ჯონსონმა წესრიგი ითხოვა, მაგრამ გრინი არ დაჯდა. რის შემდეგაც, ის დარბაზიდან გაიყვანეს.

პრეზიდენტმა სიტყვის შეწყვეტის შემდეგ განაცხადა, რომ დემოკრატებს ვერაფრით გაახარებს.

"ეს არის ჩემი მეხუთე გამოსვლა კონგრესში და კიდევ ერთხელ ვუყურებ დემოკრატებს და ვხვდები, რომ აბსოლუტურად ვერაფერს ვიტყვი, რომ მათ გაუხარდეთ, ფეხზე წამოდგნენ, გაიღიმონ და ტაში დაუკრან", — აღნიშნა აშშ-ს პრეზიდენტმა.

The Hill წერს, რომ დემოკრატი კონგრესმენი ელ გრინი აცხადებს, რომ აშშ-ის პრეზიდენტის დონალდ ტრამპის იმპიჩმენტის შესახებ შუამდგომლობის შეტანას აპირებს მას შემდეგ, რაც ტრამპა თქვა, რომ ღაზას სექტორზე კონტროლის დამყარებას აპირებს. ამის შესახებ

• დემოკრატი კონგრესმენი ელ გრინი აცხადებს, რომ ტრამპის იმპიჩმენტის შესახებ შუამდგომლობის შეტანას აპირებს

"პრეზიდენტის იმპიჩმენტის პროცესი დაწყებულია", — თქვა გრინმა.

"მე ვაცხადებ, რომ ბრალს წაუყენებ პრეზიდენტს მისი საზიზღარი წინადადებებისა და ბოროტი ქმედებებისთვის", — თქვა გრინმა პალატის სხდომაზე.