4 მარტს, ბათუმის საქალაქო სასამართლოში ბათუმელებისა და ნეტგაზეთის დირექტორის მზია ამაღლობელის სასამართლო პროცესი მიმდინარეობს, რომელსაც ჟურნალისტიც ესწრება.

ბათუმელები სასამართლო დარბაზიდან მზია ამაღლობელის წერილს ავრცელებს, სადაც ამაღლობელი წერს, რომ ის არ ეთანხმება ბრალს და იმედოვნებს, რომ ისიც და სხვა სინდისის პატიმრებიც შეძლებენ უდანაშაულობის დამტკიცებას.

"არა და არ ვეთანხმები ბრალს. უკანონო პატიმრად მივიჩნევ თავს. საბედნიეროდ, ჩვენს სამშობლოში დიქტატურამ საბოლოოდ ფეხი ვერ მოიკიდა. ამიტომ მჯერა, მეც და სინდისის პატიმრებიც შევძლებთ ჩვენი უდანაშაულობის დამტკიცებას," — ვკითხულობთ მზია ამაღლობელის წერილში.

შეგახსენებთ, 4 მარტს გამოცემა ბათუმელებისა და ნეტგაზეთის დამფუძნებლის, მზია ამაღლობელის სასამართლო პროცესი ბათუმის საქალაქო სასამართლოში იმართება.

წინასასამართლო სხდომაზე მოსამართლე ვიქტორ მეტრეველმა უნდა გადაწყვიტოს მხარეების მიერ წარმოდგენილი მტკიცებულებების დასაშვებობის საკითხი. პროცესზე გადაწყდება საქმე გადაეცემა თუ არა სასამართლოს არსებითად განსახილველად. სასამართლო აღკვეთის ღონისძიების გადასინჯვის თაობაზეც იმსჯელებს.

მზია ამაღლობელს სისხლის სამართლის კოდექსის 353-ე მუხლით ედავებიან, რაც პოლიციელზე თავდასხმას გულისხმობს, რომელიც 4-დან 7 წლამდე თავისუფლების აღკვეთას ითვალისწინებს.

ასევე იხილეთ:

ეთერ თურაძე: გონივრული იქნება მზია ამაღლობელის გათავისუფლება — ქალი სინდისის პატიმარი ქვეყანას აღარ ეყოლება