დონალდ ტრამპმა სოციალურ ქსელ Truth Social-ში გამოაქვეყნა პოსტი, რომელშიც გამოეხმაურა ვოლოდიმირ ზელენსკის განცხადებას იმასთან დაკავშირებით, რომ რუსეთთან ომის დასრულება ჯერ ძალიან შორს არის.

აშშ-ის პრეზიდენტმა მწვავედ გააკრიტიკა უკრაინის პრეზიდენტი და განაცხადა, რომ მას ომის დასრულება არ სურს.

"ეს არის ყველაზე ცუდი განცხადება, რომელიც ზელენსკის შეეძლო გაეკეთებინა და ამერიკა ამას აღარ მოითმენს! ეს არის ის, რაზეც ვსაუბრობდი, ამ კაცს ომის დასრულება არ სურს, სანამ ამერიკის მხარდაჭერით სარგებლობს და ევროპამ მას პირდაპირ უთხრა, რომ ისინი ვერ გააკეთებენ საქმეს აშშ-ის გარეშე — ეს ალბათ არ არის საუკეთესო განცხადება რუსეთის წინააღმდეგ ძალის დემონსტრირების თვალსაზრისით. რას ფიქრობენ ისინი?", — წერს დონალდ ტრამპი.