სახელმწიფო რწმუნებულმა გურიის რეგიონში, გიორგი ურუშაძემ „რუსთავი 2-თან“ განაცხადა, რომ ოზურგეთის მუნიციპალიტეტის სოფელ კონჭკათში უბედური შემთხვევის შედეგად კაცი გარდაიცვალა.

"სტიქიის პირველივე დღიდან გურიის რეგიონში შექმნილია საგანგებო შტაბი, ყველა შესაბამისი სამსახური მუშაობს 24 საათიან, უწყვეტ რეჟიმში, რათა მაქსიმალურად დროულად და ეფექტურად იქნას გადაჭრილი ყველა ის პრობლემა, რომელიც დგას ჩვენი მოქალაქეების და ჩვენი რეგიონის წინაშე.

სამწუხაროდ, ოზურგეთის მუნიციპალიტეტის სოფელ კონჭკათში უბედური შემთხვევის შედეგად გარდაიცვალა მამაკაცი. შემთხვევის დეტალებს შესაბამისი სამსახურები სწავლობენ. ნამდვილად სამწუხარო ფაქტია და გულწრფელად თანავუგრძნობ გარდაცვლილის ოჯახის წევრებს",— თქვა გიორგი ურუშაძემ.

აჭარისა და გურიის რეგიონშია რამდენიმე დღეა გადაუღებლად თოვს. ადგილობრივებია აცხადებენ, რომ სოფლებს ელექტროენერგია და გაზი არ მიეწოდებათ, არ იწმინდება გზები და საკვებისა და სახლების გადათოვლის პრობლემები აქვთ.