უკრაინის პრეზიდენტმა, ვოლოდიმირ ზელენსკიმ UNN-თან განაცხადა, რომ მზად არის გადადგეს პოსტიდან, თუ ამას უკრაინაში მშვიდობის დამყარება მოითხოვს. ზელენსკი ასევე თანახმაა "გაცვალოს" თავისი პოზიცია, უკრაინის NATO-ს წევრობაში, რომ ის არ აპირებს ხელისუფლებაში ათწლეულები ყოფნას.

"თუ უკრაინის მშვიდობისთვის, თუ ეს მართლაც აუცილებელია, რომ დავტოვო ჩემი პოსტი, მაშინ მზად ვარ. შეიძლება ამით ნატოს წევრობა გავცვალო, თუ ასეთ პირობებს დამიყენებენ. ჩემი ფოკუსი ახლა უკრაინის უსაფრთხოებაზეა, არა 20 წლის პერსპექტივაში, და არ მაქვს განზრახვა, ათწლეულების განმავლობაში ძალაუფლებაში დავრჩე," — განაცხადა ვოლოდიმირ ზელენსკიმ.

შეგახსენებთ, 19 თებერვალს, აშშ-ის პრეზიდენტმა, დონალდ ტრამპმა სოციალურ ქსელში ვრცელი პოსტი გამოაქვეყნა, რომელიც სრულად უკრაინის პრეზიდენტის, ვოლოდიმირ ზელენსკის კრიტიკას მიეძღვნა. ტრამპმა ზელენსკის "დიქტატორი არჩევნების გარეშეც" კი უწოდა და არჩევნების დანიშვნისკენ მოუწოდა.

აშშ-ის პრეზიდენტმა ასევე დასძინა, რომ ზელენსკის რეიტინგი ზელენსკის რეიტინგი "4%-მდეა დაცემული". კიევის სოციოლოგიის საერთაშორისო ინსტიტუტმა უარყო ტრამპის სიტყვები, რომ ბოლო კვლევები უკრაინელების ნდობის 60%-ზე მიუთითებს.

ასევე იხილეთ:

ზელენსკიმ მედიასთან ასევე განაცხადა, რომ უკრაინამ აშშ-გან 100$ მილიარდის დახმარება მიიღო და არა 350, ან 500. პრეზიდენტმა ასევე დასძინა, რომ ეს თანხა იყო გრანტი და არა სესხი, რომელიც უნდა დაბრუნდეს.

"არ ვაპირებ 500 მილიარდის პრეტენზია მივიღო, მიუხედავად იმისა, მოეწონება თუ არა ეს ვინმეს. არც კი ვარ მზად, ვაშინგტონთან $100 მილიარდის გადახდა განვიხილო, რადგან ეს გრანტი იყო და არა — სესხი. მე ბაიდენთან შევთანხმდი, რომ ეს გრანტია — გრანტი კი ვალი არ არის. გრანტს ჩვენ არ დავაბრუნებთ," — თქვა ზელენსკიმ.

ასევე იხილეთ:

Bloomberg: უკრაინა ეწინააღმდეგება 500 მილიარდი დოლარის ბუნებრივი რესურსების გადაცემას, რომელსაც ტრამპი ამერიკული დახმარების სანაცვლოდ ითხოვს