The Hill-ის ცნობით, დონალდ ტრამპმა გაათავისუფლა აშშ-ის გაერთიანებული შტაბების ხელმძღვანელი ჩარლზ ბრაუნი და მის ადგილს საჰაერო ძალების გენერალ-ლეიტენანტი დენ კეინი დაიკავებს.

"მე მსურს, მადლობა გადავუხადო გენერალ ჩარლზ ბრაუნს ჩვენი ქვეყნის 40-წლიანი სამსახურისთვის, მათ შორის გაერთიანებული შტაბების ხელმძღვანელობისთვისაც. ის კარგი კაცი და შესანიშნავი ლიდერია და მსურს, დიდებული მომავალი ვუსურვო მასა და მის ოჯახს", — დაწერა დონალდ ტრამპმა 21 თებერვალს Truth Social-ზე.

ჩარლს ბრაუნი მეორე აფრო-ამერიკელი იყო, რომელიც პოსტს იკავებდა.

განცხადებაში დონალდ ტრამპმა შეაქო ბრაუნის შემცვლელი დენ კეინი, როგორც წარმატებული პილოტი და მეომარი დიდი გამოცდილებით. კეინის კანდიდატურა სენატმა უნდა დაადასტუროს.

თავდაცვის მდივანმა პიტ ჰეგსეთმა თავის გუშინდელ განცხადებაში განაცხადა, რომ გათავისუფლებულები არიან გაერთიანებული შტაბების ვიცე-ხელმძღვანელი გენერალი ჯიმ სლაიფი და საზღვაო ოპერაციების ხელმძღვანელი ლიზა ფრანჩეტი — პირველი ქალი, რომელის გაერთიანებული შტაბების წევრი იყო.

ჰეგსეთმა დონალდ ტრამპის ინაუგურაციის შემდეგ სხვა ცვლილებებიც განახორციელა — ინაუგურაციის მომდევნო დღეს თანამდებობიდან გაათავისუფლეს აშშ-ის სანაპირო დაცვის კომენდანტი ადმირალი ლინდა ფეგანიც.

პიტ ჰეგსეთმა წარსულში განაცხადა, რომ ჩარლზ ბრაუნი აუცილებლად უნდა გაეთავისუფლებინათ ყველა იმ გენერლებთან ერთად, ვინც ჩართულები იყვნენ მრავალფეროვნების, თანასწორობისა და ჩართულობის (DEI) პოლიტიკაში.