შინაგან საქმეთა სამინისტროს გავრცელებული განცხადების მიხედვით, ორი პირი, რომლებიც საპროტესტო მარშის მონაწილეებს თავს დაესხნენ, ადმინისტრაციულ სამართალდარღვევათა კოდექსის 166-ე მუხლით დააკავეს.

„შინაგან საქმეთა სამინისტროს საპატრულო პოლიციის დეპარტამენტის თანამშრომლებმა, საზოგადოებრივი წესრიგის დარღვევისა და წვრილმანი ხულიგნობის ფაქტზე 1992 წელს დაბადებული ა.ს. და 1989 წელს დაბადებული ნ.ჭ. ადმინისტრაციულ სამართალდარღვევათა კოდექსის 166-ე მუხლით დააკავეს.
ფაქტთან დაკავშირებით ადმინისტრაციული სამართალწარმოება მიმდინარეობს”, - ნათქვამია შსს-ს მიერ გავრცელებულ განცხადებაში.

შეგახსენებთ, საზოგადოებრივი მაუწყებლიდან მომავალ მარშს კინოთეატრ “ამირანთან” ორი პირი თავს დაესხა.

გავრცელებულ ვიდეო კადრებში ჩანს, რომ თავდამსხმელს ხელში ცივი იარაღი და ხელკეტი უჭირავს.

ასევე იხილეთ: