20 თებერვლის ბრიფინგზე კრემლის პრესსპიკერმა, დიმიტრი პესკოვმა განაცხადა, რომ მოსკოვში შეშფოთებულები არიან ცნობებით უკრაინაში NATO-ს ქვეყნების წარმომადგენელი სამშვიდობოების შესაძლო გაგზავნის შესახებ.

"ჩვენ, რა თქმა უნდა, დიდი ყურადღებით ვიკვლევთ ყველა ამ ცნობას, ყველაფერს ვაკვირდებით, ამასთან დაკავშირებით ევროპელების ურთიერთგამომრიცხავ ოფიციალურ განცხადებებს. ეს ჩვენს შეშფოთებას იწვევს, რადგან საუბარია სამხედრო კონტიგენტების გაგზავნაზე — შესაძლებაზე, რომ საბოლოო ჯამში უკრაინაში NATO-ს ქვეყნების სამხედრო კონტიგენტი გაიგზავნოს", — განაცხადა პესკოვმა

პესკოვი გამოეხმაურა აშშ-ის პრეზიდენტ დონალდ ტრამპის მიმართ დიდი ბრიტანეთის პრემიერ კეირ სტარმერის მიმართვას, რომელშიც სტარმერი მზადყოფნას გამოთქვამდა, გაეგზავნა 30000-იანი სამშვიდობო კონტიგენტი ევროპული ქვეყნებიდან უკრაინაში. პერსკოვის თქმით, ამას რუსეთის უსაფრთხოების გადმოსახედიდან, საერთოდ სხვა დატვირთვა ექნება.

"ვინაიდან ეს თემა ჩვენთვის ძალიან მნიშვნელოვანია, ჩვენ მას ყურადღებით ვაკვირდებით. მინდა შეგახსენოთ ჩვენი საგარეო საქმეთა მინისტრის სიტყვები, რომ NATO-ს წევრი ქვეყნების სამხედროების უკრაინის ტერიტორიაზე განლაგება ჩვენთვის მისაღები ვერ იქნება", — განაცხადა კრემლის პრესსპიკერმა.