"ჩვენ მოვუწოდებთ [საქართველოს] ხელისუფლებას, შეწყვიტოს ყველანაირი დაშინება სამოქალაქო საზოგადოების, ჟურნალისტების, პოლიტიკური ოპოზიციის წინააღმდეგ. ეს სირცხვილია და უნდა შეწყდეს," — განაცხადა ინტერპრესნიუსთან ევროკომისიის საგარეო საქმეთა და უსაფრთხოების პოლიტიკის სპიკერმა ანიტა ჰიპერმა ბრიუსელში.

ის საქართველოს მე-5 პრეზიდენტ სალომე ზურაბიშვილსა და ოპოზიციის ერთ-ერთი ლიდერ გიორგი გახარიასზე თავდასხმასა — აეროპორტში კვერცხების სროლას გამოეხმაურა. ანიტა ჰიპერის თქმით, ევროკომისიის პასუხი ამ ზეწოლაზე, ქართულ ოცნებასთან კონტაქტების შემცირება და მათთვის ფინანსური დახმარების გაყინვაა.

"როცა საქმე ეხება საქართველოს და მის დემოკრატიულ უკუსვლას, ჩვენ გვქონდა მკაფიო პასუხი, იქნება ეს [ხელისუფლებასთან] პოლიტიკური კონტაქტების შემცირებით, ფინანსური დახმარების გაყინვით, თუ სამოქალაქო საზოგადოების მხარდაჭერით. უფრო მეტიც, ჩვენ მოვუწოდებთ ხელისუფლებას, შეწყვიტოს ყველანაირი დაშინება სამოქალაქო საზოგადოების, ჟურნალისტების, პოლიტიკური ოპოზიციის წინააღმდეგ. ეს სირცხვილია და უნდა შეწყდეს! " — განაცხადა ანიტა ჰიპერმა.

შეგახსენებთ, მიუნხენის კონფერენციიდან დაბრუნებულ გიორგი გახარიასა და სალომე ზურაბიშვილს, თბილისის საერთაშორისო აეროპორტში კვერცხები ესროლეს.