ჩვენი გადაწყვეტილებით, საქართველოს სისხლის სამართლის კოდექსს დაემატება სამშობლოს ღალატის მუხლი, — ამის შესახებ ქართული ოცნების ერთ-ერთმა ლიდერმა, მამუკა მდინარაძემ ცოტა ხნის წინ ბრიფინგზე განაცხადა.

მისი თქმით, ეს მუხლი ნაციონალურმა მოძრაობამ აგვისტოს ომამდე, 2007 წლის აპრილში ამოიღო.

"ჩვენი გადაწყვეტილებით, საქართველოს სისხლის სამართლის კოდექსს დაემატება, უფრო სწორი იქნება — აღდგება სისხლის სამართლის კოდექსში — სამშობლოს ღალატის მუხლი, რომელიც თავის დროზე ნაციონალურმა მოძრაობამ ამოიღო სისხლის სამართლის კოდექსიდან. რაც არ უნდა ვინმეს გაუკვირდეს, ან არ გაუკვირდეს, ან სიმბოლური იყოს ეს მოხდა აგვისტოს ომამდე. ეს გააკეთეს აგვისტოს ომამდე, 2007 წლის აპრილის თვეში", – ამის შესახებ ქართული ოცნების ერთ-ერთმა ლიდერმა, მამუკა მდინარაძემ ცოტა ხნის წინ ბრიფინგზე განაცხადა.