საქართველოში ევროკავშირის ელჩი, პაველ ჰერჩინსკი აცხადებს, რომ უკიდურესად ღელავენ მზია ამაღლობელის ჯანმრთელობის გამო და მისი დაუყოვნებლივ გათავისუფლების მოთხოვნას გააგრძელებენ.

"ის [მზია ამაღლობელი] ჟურნალისტური სიმამაცისა და სამართლიანობისთვის შეუპოვარი ბრძოლის სიმბოლოდ იქცა. ის გასახიერებს ყველა უსამართლოდ დაკავებულის შემართებას. ჩვენ ყველანი უკიდურესად ვღელავთ მისი ჯანმრთელობის გამო და გარწმუნებთ, რომ ჩვენ გავაგრძელებთ მისი დაუყოვნებლივ გათავისუფლების მოთხოვნას", — განაცხადა ელჩმა.

ბათუმელებისა და ნეტგაზეთის თანადამფუძნებელი და დირექტორი, მზია ამაღლობელი 37-ე დღეა შიმშილობს. ის 4 თებერვალს კლინიკა ვივამედში გადაიყვანეს და ექიმების მეთვალყურეობის ქვეშ განაგრძობს შიმშილობას.