ავიაკომპანია Wizz Air-ი ქუთაისი-კოპენჰაგენის რეისების შეაჩერა. გავრცელებულ განცხადებაში ნათქვამია, რომ კომპანია მარშრუტებს მოთხოვნის მიხედვით გეგმავს, სწორედ ამ მიზეზით მიიღო გადაწყვეტილება კომპანიამ კოპენჰაგენის მიმართულებით ფრენების შეწყვეტაზე.

"კოპენჰაგენის მიმართულებით მოთხოვნა არ იყო საკმარისად მაღალი, რის გამოც გადავწყვიტეთ რეისების შეჩერება. მიუხედავად ამისა, საქართველო ჩვენთვის სტრატეგიულად მნიშვნელოვანი ბაზარია და ჩვენ ვაგრძელებთ აქ ინვესტირებას. 2025 წელს უფრო მეტი ფრენა, მეტი მიმართულება და მეტი შესაძლებლობა გველოდება. ჩვენთვის მნიშვნელოვანია, შევუწყოთ ხელი საქართველოს ეკონომიკის განვითარებას, შევქმნათ ახალი სამუშაო ადგილები და გავაუმჯობესოთ საერთაშორისო კავშირები", – აცხადებენ Wizz Air-ში.

Wizz Air-ი იტყობინება, რომ ავიაკომპანია აგრძელებს განვითარებას საქართველოს ბაზარზე და 2025 წელს გეგმავს თითქმის 400 000 ადგილის დამატებას, რაც 2024 წლის ზაფხულთან შედარებით 22%-ით მეტია.